រ៉ូបពណ៌សរបស់ Aum រំលេចម៉ូដស្អាតម្ល៉ឹងៗ ឯតម្លៃវិញ ខ្ពស់ញាក់សាច់

2018-11-15 02:52:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បង្ហាញខ្លួនក្នុងកម្មវិធីសម្ពោធផ្សារទំនើប ICONSIAM កាលពីពេលថ្មីៗនេះ តារាសម្ដែងជួរមុខ Aum Patchrapa បានធ្វើឲ្យគ្រប់គ្នាមើលសឹងមិនដាក់ភ្នែក ដោយសារសម្រស់របស់នាងពេលនោះស្រស់ត្រដែតមិនធម្មតា មិនសមនឹងអាយុសោះ។

កម្មវិធីពិសេសនាថ្ងៃនោះមានការចូលរួមពីតារាប្រុសស្រីល្បីៗជាច្រើនមិនថាក្នុងប្រទេសថៃទេ សូម្បីតារាបរទេសក៏មកចូលរួមដែរ។ ទោះជាយ៉ាងណា មួយក្នុងចំណោមតារាទាំងនោះ បានក្លាយជាចំណីភ្នែករបស់អ្នកចូលរួមជាច្រើន ក៏ព្រោះតែការតុបតែងខ្លួន និងរ៉ូបអូសដីវែងអន្លាយដ៏ស្រស់ស្អាតរបស់នាងគឺ Aum។

តាមការឲ្យដឹងពីវិបសាយព័ត៌មាន បានឲ្យដឹងថារ៉ូបមួយឈុតនេះ ជា BRAND របស់ Amsale មានតម្លៃលើសពី ៣សែនបាត (ប្រហែល ៩ ១២១ដុល្លារ) ទៅទៀត។ វាជាការរចនាម៉ូដរបស់ អ្នកច្នៃម៉ូដដ៏ល្បី មានឈ្មោះថា Chat។

រូបថតរបស់តារាស្រីរូបនេះ ពេលចូលរួមកម្មវិធីរបស់ ICONSIAM ត្រូវបានចែកចាយពេញអ៊ីនធើណិត ព្រោះ Aum បានធ្វើគ្រប់គ្នាភ្ញាក់មិនធម្មតានឹងសម្រស់ក្មេងជាងវ័យរបស់នាងនាឱកាសនោះ៕