ខ្លីៗពីល្ខោនខោលវត្តស្វាយអណ្តែតទើបតែក្លាយជាសម្បត្តិវប្បធម៌អរូបីនៃមនុស្សជាតិរបស់អង្គការយូណេស្កូ

2018-11-28 09:22:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពី Twitter ផ្លូវការរបស់ អង្គការយូណេស្កូ បានបញ្ជាក់ថា ល្ខោនខោល វត្តស្វាយអណ្តែល បានក្លាយជាសម្បត្តិបេតិកភណ្ឌពិភពលោក ជាផ្លូវការ។

ការប្រកាសនេះបានធ្វើឱ្យប្រជាជនខ្មែរទទួលបានភាពកក់ក្តៅ និងសុវត្ថភាពលើការការពារវប្បធម៌ជាតិ និងការយល់ច្រលំពីបណ្តាប្រទេសជិតខាង នូវការមិនច្បាស់លាស់នានាទាក់ទងនឹងប្រភពដើមនៃសិល្បៈបុរាណមួយនេះ។

ជាក់ស្តែងទម្រង់សិល្បៈបុរាណល្ខោនខោលនៅរស់រានមានជីវិតបច្ចុប្បន្ន មានរហូតដល់៤វង់ធំៗ គឺ ល្ខោនខោលភ្នំពេញ ល្ខោនខោលខេត្តបាត់ដំបង ល្ខោនខោលខេត្តកំពង់ធំ និងល្ខោនខោលវត្តស្វាយអណ្ដែតខេត្តកណ្ដាល ដែលក្លាយជាសម្បត្តិបេតិកភណ្ឌពិភពលោក។ នេះបើតាមសិល្បករល្ខោនខោល និងជាប្រធានក្រុមសិល្បៈយុវជនល្ខោនខោលជំនាន់ថ្មី លោក ហង់ ភូមិរ៉ា បានបញ្ជាក់។

លោកបន្ថែមថា ល្ខោនខោលតាមតំបន់នីមួយៗ មានលក្ខណៈខុសៗគ្នាបន្តិចបន្តួច ទៅលើសម្លៀកបំពាក់ គ្រឿងតុបតែងខ្លួនផងដែរ។ ជាក់ស្ដែង តួសម្ដែងប្រុសមកពីខាងវត្តអណ្ដែត មិនពាក់មុខនោះទេ ដោយគេនិយមផាត់មុខជំនួសវិញ ព្រមទាំងពាក់មកុដ។ មួយវិញទៀត ខាងបាត់ដំបង មិនសូវពាក់គ្រឿងតុបតែងច្រើនឡើយ៕