កុំរំភើប បើទទួលកាដូប៉ះចំរបស់ទាំង៧នេះជាប្រផ្នូលមិនល្អ មិនងាយមានគ្រូអាចារ្យណាជួយទេ

2018-12-25 04:01:09
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយដល់កាដូ អ្នកណាៗក៏ចង់បានពីអ្នកដទៃ ឬមនុស្សជាទីស្រឡាញ់នៅក្នុងថ្ងៃពិសេសណាមួយ ដូចជាថ្ងៃកំណើត ខួបអាពាហ៍ពិពាហ៍ បុណ្យណូអែលជាដើម។ ប៉ុន្តែអំណោយមួយចំនួន ប្រិយមិត្តមិនគួរទិញជូន ឬក៏ទទួលពីគេឡើយ ព្រោះហេតុផលសំខាន់ខាងក្រោមនេះ៖

រូបតំណាង

**១. វត្ថុធ្វើពីកែវ**

តាមជំនឿគេថា បើរបស់ធ្វើពីគ្រឿងកែវនោះបែក គឺមានន័យថាសម្ព័ន្ធភាពរបស់អ្នកទាំងពីរ ច្បាស់ជាបែកបាក់តាមវត្ថុនោះមិនខាន។

២. ស៊ុមមានរូបថត

កាដូស៊ុមមានរូបថតនេះ ដាច់ខាតមិនគួរឲ្យ ឬទទួលពីគេឡើយ ព្រោះវានឹងប្រៀបដូចជាការឲ្យរូចថតទុកមើលជាអនុស្សាវរីយ៍នឹករលឹក ពេលបែកបាក់គ្នា។

៣. នាឡិកា

មែនទែនចំណុចនេះ ធ្លាប់គូស្នេហ៍មួយចំនួន បានជួបផ្ទាល់ ដោយសារការទិញកាដូជានាឡិកាដៃ ប៉ុន្តែមិនយូរប៉ុន្មានក៏បញ្ងាប្រេះស្រាំនឹងគ្នា ស្របពេលនាឡិកាអស់ថ្មដូច្នោះដែរ។

៤. កន្សែងជូតមុខ

នេះមិនចាំបាច់ពន្យល់ច្រើន ព្រោះមនុស្សភាគច្រើនតែងយល់ថាកាដូបែបនេះទុកសម្រាប់ជូតទឹកភ្នែក។

៥. ទឹកអប់

ចំណុចនេះ ត្រូវបានមនុស្សភាគច្រើនយល់ស្រប ព្រោះថាការឲ្យកាដូទឹកអប់ ដូចជាបើកឲ្យគូស្នេហ៍ដើររាយក្លិនដល់អ្នកដទៃ។

៦. ស្បែកជើង

រីឯកាដូនេះវិញ សង្សារ ឬគូស្នេហ៍ថ្មីថ្មោង ក៏មិនគួរទិញឲ្យគ្នាដែរ។ ស្បែកជើងត្រូវមានជាគូៗ ប្រសិនបើអ្នកមិនទាន់ច្បាស់លាស់ជាមួយដៃគូនោះទេ គួរតែកុំទិញ ព្រោះនាំឲ្យមានការចងចាំមិនល្អទៅថ្ងៃក្រោយ។

៧. ខោអាវឈុតខ្មៅ

មានន័យចំៗ ការឲ្យកាដូខោអាវឈុតខ្មៅ ចាស់ៗថា ប្រផ្នូលមិនល្អ ដែលគេសំដៅដល់ ការចូលរួមពិធីបុណ្យសពនរណាម្នាក់។

អត្ថបទ៖ ស៊ិន សាវ៉េត