Kim និង Kanye West ត្រៀមទទួលសមាជិកថ្មី ខណៈអ្នកពពោះជំនួសកំពុងមានទម្ងន់

  • 2019-01-03 02:04:34
  • ចំនួនមតិ 0 | ចំនួនចែករំលែក 0

ចន្លោះមិនឃើញ

តារា​ទូរទស្សន៍ Kim Kardashian និង​ស្វាមី Kanye West ត្រូវ​បាន​ឲ្យ​ដឹង​ថា កំពុង​ត្រៀម​ខ្លួន​​ទទួល​ស្វាគមន៍​កូន​ទី​បួនរបស់​ពួកគេ​តាម​រយៈ​ស្ត្រី​ពពោះ​ជំនួស។

តាម​សារព័ត៌មាន US Weekly គ្រួសារ​តារា​ល្បី​មួយ​គូ​នេះ បាន​ប្រើប្រាស់​ស្ត្រី​ពពោះ​ជំនួស​តែ​មួយ ដែល​ស្ត្រី​រូប​នេះ​ដែរ​ក៏​ធ្លាប់​បាន​ពពោះ​កូន​ស្រី Chicago របស់​ពួកគេ​ផង​ដែរ។ តាម​សារព័ត៌មាន​ដដែល​បាន​បញ្ជាក់​ទៀត​ថា ពួកគេ​នៅ​សល់​អំប្រ៊ីយ៉ុង​ល្អ​មួយ​ទៀត ដូច្នេះ​ហើយ​ទើប​ពួកគេ​សម្រេច​ចិត្ត​យក​កូន​ទី​បួននេះ។ កូន​​ប្រុស​ចុង​ក្រោយ​របស់​គ្រួសារ Kim Kardashian និង​ Kanye West នឹង​សម្រាល​នៅ​ក្នុង​អំឡុង​ខែ​ឧសភា​ខាង​មុខ​នេះ។

គួរ​បញ្ជាក់​ដែរ​ថា តារា​ទូរទស្សន៍​ Kim Kardashian និង Kanye West បច្ចុប្បន្ន​​មាន​កូន​ចំនួន​បួននាក់ (រាប់​ទាំង​កូន​ដែល​មិន​ទាន់​កើត) ក្នុង​នោះ​រួម​មាន North West (អាយុ ៥ ឆ្នាំ) Saint West (អាយុ ៣​ ឆ្នាំ) ពួកគេ​ទាំង ២ បាន​ចាប់​កំណើត​ដោយ​គ្មាន​ការ​ពពោះ​ជំនួស​ រួម​នឹង​សមាជិក​ចុង​ក្រោយ Chicago West ដែល​បាន​កើត​នៅ​ថ្ងៃ​ទី ១៥ ខែ​មករា ឆ្នាំ​មុន​នេះ៕

ប្រភព៖ Dailymail   ប្រែ​សម្រួល៖ អន សុភក្ត្រា