ស្ងាត់ៗលេចមុខក្រុមហ៊ុនខ្មែរធំមួយជួបខាងតៃវ៉ាន់សម្រេចនាំចូលផ្តាច់មុខផលិតផលទារកដ៏ល្បីឈ្មោះនេះចូលកម្ពុជា

2019-03-02 08:27:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីបំផុតក្រុមហ៊ុន BMG Corporation Co.,Ltd និង ក្រុមហ៊ុន Farlin Industrial (Taiwan) Co.,Ltd បានសម្រេចចាប់ដៃគូគ្នាជាផ្លូវការក្នុងការនាំចូលផ្តាច់មុខផលិតផលទារក និងកុមារដ៏ល្បីឈ្មោះម៉ាក ហ្វាលីន (Farlin) ដែលជាផលិតផលទទួលបានការគាំទ្រយ៉ាងខ្លាំងនៅកម្ពុជាជាច្រើនឆ្នាំមកហើយ ដោយកិច្ចសហការនេះនឹងបើកទូលាយដល់ការផ្គត់ផ្គង់ Farlin ឲ្យកាន់តែសម្បូរបែប និងទូលំទូលាយនៅកម្ពុជា ក្នុងតម្លៃសមរម្យ។

ការប្រកាសនេះបានធ្វើឡើងក្នុង ពិធីជប់លៀង និងសម្ពោធផលិតផលហ្វាលីន កាលពីល្ងាចម្សិលមិញ (ថ្ងៃទី ១ មិនា ២០១៩) នៅសណ្ឋាគារ សូហ្វីតែល ភ្នំពេញ ដោយមានការចូលរួមពីតំណាងចែកចាយជាង១៥០នាក់ និងអធិបតីភាពដ៏ខ្ពង់ខ្ពស់ពីសំណាក់ ឯកឧត្តម បណ្ឌិត សុក ស៊ីផាណា ទីប្រឹក្សាជាន់ខ្ពស់រាជរដ្ឋាភិបាលកម្ពុជា និង លោកស្រី សៀប ចាន់ធី នាយកប្រតិបត្តិនៃក្រុមហ៊ុន BMG Corporation Co.,Ltd និង លោក ស៊ុងហានស៊ា នាយកប្រតិបត្តិ Farlin Industrial (Taiwan) Co.,Ltd ពីតៃវ៉ាន់ និងដៃពាណិជ្ជកម្មជាច្រើនទៀត។

លោក ស៊ុងហានស៊ា នាយកប្រតិបត្តិ Farlin Industrial (Taiwan) តំណាងរោងចក្រផលិតផលហ្វាលីន បានឲ្យដឹងថា៖ «ក្រុមហ៊ុន Farlin ជាផលិតផលដែលមានឈ្មោះល្បី និងធានាទំនុកចិត្តមួយ តាំងពីឆ្នាំ ១៩៧២ និងមានទីស្នាក់ការនៅចំកណ្តាលនៃប្រទេសតៃវ៉ាន់។ Farlin ជាផលិតផលរបស់ទារក និងកុមារដែលមានគុណភាពខ្ពស់ និងបានដាក់លក់ផលិតផលខ្លួននៅទូទាំងពិភពលោកជាង៤ទសវត្សរ៍មកហើយ។ បច្ចុប្បន្ន Farlin ត្រូវបានចែកចាយទៅជាង ៨០ប្រទេសជុំវិញពិភពលោក និងជាផលិតផលទារក និងកុមារល្បីជាងគេរបស់តៃវ៉ាន់»។

« Farlin បានរក្សានូវជំហររបស់ខ្លួនក្នុងការផលិតនូវផលិតផលដែលមានសុវត្ថិភាព គិតពីសុខភាព និងមានផាសុកភាព ព្រោះFarlin ពិតជាបានយកចិត្តដាក់ដល់បរិស្ថាន និងអតិថិជនខ្លួន ជាចម្បង និងទទួលបាន នូវការទុកចិត្តពីអតិថិជន។ រាល់ផលិតផលរបស់យើងត្រូវបានបញ្ជាក់ថាមានគុណភាព និងធានាសុវត្ថិភាពខ្ពស់ ដោយមន្ទីរពិសោធន៍ល្បីៗជាច្រើន»។ លោកបញ្ជាក់បន្ថែម។

លោក ស៊ុងហានស៊ា នាយកប្រតិបត្តិ Farlin Industrial (Taiwan) តំណាងរោងចក្រផលិតផលហ្វាលីន

លោកស្រី សៀប ចាន់ធី នាយកប្រតិបត្តិនៃក្រុមហ៊ុន BMG Corporation Co.,Ltd បានឲ្យដឹងថា៖ « ក្រុមហ៊ុន BMG Corporation Co., Ltd ត្រូវបានបង្កើតតាំងពីខែមេសា២០០៥ មកម្ល៉េះ ដែលជាក្រុមហ៊ុនចែកចាយផលិតផលទារក ផលិតផលរបស់អ្នកម្តាយ និងសម្ភារក្មេងលេង មានស្តង់ដារដែលឈានមុនគេនៅកម្ពុជា»។

ចាប់ពីពេលនេះទៅ មានតែក្រុមហ៊ុន BMG Corporation Co., Ltd តែមួយគត់នៅកម្ពុជាដែលផ្គត់ផ្គង់សម្ភាររបស់ទារក និងកុមារ ម៉ា់ក Farlin គ្រប់ប្រភេទដូចជា ៖

សាប៊ូដុសខ្លួន សាប៊ូកក់សក់ សាប៊ូបន្ទន់សក់ សាប៊ូលាងដប សាប៊ូបោកខោអាវ
ដបទឹកដោះគោ ច្រាសលាងដបទឹកដោះគោ ដបបញ្ចុកបបរក្មេង និង ប្រដាប់ក្មេងមឹមលេង Pacifier
ឡេរក្សាសំណើមស្បែក
សំលៀកបំពាក់ ស្បែកជើង
គ្រែងគេង មុង អង្រឹងកូនក្មេងជាដើម ។ល។

លោកស្រី សៀប ចាន់ធី នាយកប្រតិបត្តិនៃក្រុមហ៊ុន BMG Corporation Co.,Ltd

កន្លងមកក្រុមហ៊ុន BMG Corporation Co.,Ltd មានការចូលរួមសហការដោយក្រុមអ្នកជំនាញខាងផ្នែកទារកដែលទាក់ទងនឹងការបំបៅទារកទើបដឹង កើតរហូតដល់កុមារ។ កត្តាទាំងអស់នេះហើយដែលធ្វើឲ្យក្រុមហ៊ុនមួយនេះបានក្លាយជាក្រុមហ៊ុនចែកចាយសម្ភារៈ របស់ទារក កុមារ និងសម្ភារៈរបស់អ្នកម្តាយ គ្រប់ប្រភេទ ដែលឈានមុខគេបំផុតនៅកម្ពុជា។

កម្មវិធីនោះត្រូវបានបញ្ចប់ ដោយភាពសប្បាយរីករាយពីសំណាក់ភ្ញៀវទាំងអស់ដែលបានចូលរួម ព្រមជាមួយការចូលរួមសម្ដែងពីតារាចម្រៀង កញ្ញា មាស សុខសោភា និងមានការចាប់ឆ្នោតផ្សងសំណាងជាច្រើនរង្វាន់ផងដែរ៕