នេះរូបរាងមានទូរសព្ទឆកលើ-ក្រោមដំបូងគេបង្អស់ក្នុងលោក

2019-05-09 03:28:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតស្មាតហ្វូនជប៉ុន Sharp បានប្រកាសចេញម៉ូឌែលថ្មីមួយគឺ Sharp Aquos R3 បន្តពី R2។ R3 នេះក្លាយជាស្មាតហ្វូនដំបូងគេក្នុងលោកដែលបំពាក់អេក្រង់ឆកទាំងខាងលើនិងខាងក្រោម។

ចំពោះលក្ខណៈសម្បត្តិខាងក្រៅ R3 បំពាក់អេក្រង់ទំហំ ៦,២ អ៊ិញប្រភេទ HDR10 កម្រិតបង្ហាញរូបភាពដល់ទៅ ៣១២០x ១៤៤០ ភិចសែលដែលមាន refresh rate ដល់ ១២០ ហឺត(Hz)។

ចំពោះផ្នែកកាមេរ៉ាបំពាក់ដោយ AI Cameraដែលមានមុខងារ AI live Story និង AI live filter។ ផ្នែកខាងមុខទំហំ ១៦,៣ មេហ្គាភិចសែល ឯកាមេរ៉ាក្រោយភ្លោះ(១២,២MP(f/1.7 ប្រើឡេន ៧៨ដឺក្រេ កាមេរ៉ាទី 20MP(f/2.4 ឡេន Wide ១២៥ ដឺក្រេ)។

ចំពោះលក្ខណៈសម្បត្តិខាងក្នុង R3 មានបច្ចេកវិទ្យាស្កេនក្រយៅដៃលើប៊ូតុង Home។ ប្រើបន្ទះឈីប Snapdragon 855 Soc មានជម្រើស RAM ៦GB មេម៉ូរី ១២៨GB មានថាមពលថ្ម ៣២០០ មីលីអំពែគាំទ្របច្ចេកវិទ្យាសាកភ្លើងឥតខ្សែល្បឿនលឿន Qi wireless កម្លាំង ១១ វ៉ាត់។ តម្លៃនៅមិនប្រកាសជាក់លាក់នោះទេ។

ទស្សនាវីដេអូខាងក្រោម៖