ញាក់សាច់! យន្ដហោះចម្បាំងពីរគ្រឿង បុកគ្នាកណ្ដាលអាកាសសម្លាប់អ្នកបើកបរ

2019-06-25 06:21:31
ចំនួនមតិ 0 | ចំនួនចែករំលែក 0

ចន្លោះមិនឃើញ

យន្ដហោះចម្បាំងពីគ្រឿងរបស់អាល្លឺម៉ង់ បានបុកគ្នានៅកណ្ដាលអាកាសខណៈពេលដែលហោះនៅតំបន់ដាច់ស្រយាលនាភាគខាងជើងប្រទេសបណ្ដាលឲ្យអ្នកបើកបរម្នាក់បាត់បង់ជីវិត។

យោងតាមអ្នកនាំពាក្យយោធាអាកាសអាល្លឺម៉ង់ឲ្យដឹងថា ហេតុការណ៍ដ៏គួរឲ្យរន្ធត់កើតឡើងនៅតំបន់បឹង Fleesensee ជិតទីក្រុង Malchow ដែលបង្កឡើងដោយយន្ដហោះចម្បាំងពីរគ្រឿងប្រភេទ Luftwaffe Eurofighter អំឡុងពេលហ្វឹកហាត់វាយប្រហារ។ ប្រភពដដែលបន្ដថា អ្នកបើកបរយន្ដហោះទាំងពីរគ្រឿង បានលេចចេញពីយន្ដហោះ តែពួកគេមិនច្បាស់ថាពួកគេលោតចេញមុនក្រោយកើតហេតុនោះទេ។ ប៉ូលិសឲ្យដឹងថា សាកសពត្រូវបានគេរកឃើញនៅជិតតំបន់បឹងនោះហើយត្រូវបញ្ជាក់ថាជាអ្នកបើកបរស្រី។ ចំណែកឯអ្នកបើកបរយន្ដហោះម្នាក់ទៀតជាមនុស្សប្រុស ត្រូវបានរកឃើញនៅចម្ងាយ ២០ម៉ែត្រពីគ្នាហើយនៅរស់រានមានជីវិត។

យ៉ាងណាមិញ ក្រោយកើតហេតុ ក្រុមអ្នកជំនាញបានទៅដល់កន្លែងកើតហេតុដើម្បីប្រមូលកម្ទេចយន្ដហោះ ក៏ដូចជាបើកការស៊ើបអង្កេតបន្ដជុំវិញមូលហេតុដែលបណ្ដាលឲ្យមានគ្រោះថ្នាក់បុកគ្នាដូចនេះ៕