អ្នកណាមិនភ័យ! បើកំពុងជិះយន្ដហោះសុខៗ ស្រាប់តែបែកផ្កាភ្លើងពេញម៉ាស៊ីន (មានវីដេអូ)
- 2019-07-11 02:27:20
- ចំនួនមតិ 0 | ចំនួនចែករំលែក 0
អ្នកណាមិនភ័យ! បើកំពុងជិះយន្ដហោះសុខៗ ស្រាប់តែបែកផ្កាភ្លើងពេញម៉ាស៊ីន (មានវីដេអូ)
ចន្លោះមិនឃើញ
អ្នកធ្វើដំណើរមួយក្រុម បាននាំគ្នាធ្វើការបួងសួង និងចាប់ផ្ដើមផ្ញើសារលើកចុងក្រោយទៅកាន់ក្រុមគ្រួសារ និងមិត្តភ័ក្ដិរបស់ខ្លួនក្រោយពេលកំពុងជិះយន្ដហោះស្រាប់តែ ម៉ាស៊ីនមួយគ្រឿងរបស់យន្ដហោះបានឆាបឆេះ។
យោងតាមរបាយការណ៍របស់ក្រុមហ៊ុនអាកាសចរ Delta Air Lines ឲ្យដឹងថាជើងហោះហើររបស់ខ្លួនលេខ 1425 បានធ្វើដំណើរពីទីក្រុង Atlanta ទៅ Baltimore កាលពីថ្ងៃចន្ទកន្លងទៅដោយមានផ្ទុកអ្នកដំណើរជិត ១៥០នាក់។ អំឡុងពេលធ្វើដំណើរ ស្រាប់តែម៉ាស៊ីនមួយគ្រឿងរបស់យន្ដហោះ មានបញ្ហារហូតបណ្ដាលឲ្យឆាបឆេះជាផ្កាភ្លើង និងហ៊ុយផ្សែងចូលមកក្នុងកាប៊ីន។ យោងតាមវីដេអូមួយខ្សែថតដោយអ្នកដំណើរបង្ហាញថា ម៉ាស៊ីនយន្ដហោះបានឆាបឆេះហើយខូចខាតផ្នែកខាងក្នុងនៃតួម៉ាស៊ីនដែលធ្វើឲ្យអ្នកដំណើរមានការភ័យស្លន់ស្លោគ្រប់គ្នា។
យ៉ាងណាមិញ ក្រោយកើតហេតុយន្ដហោះ បានធ្វើការចុះចតដោយសុវត្ថិភាពនៅវេលាម៉ោង ២:២០នាទីរសៀលនៅឯព្រលានយន្ដហោះអន្ដរជាតិ Raleigh-Durham ហើយអ្នកដំណើរត្រូវបានផ្ទេរទៅកាន់ជើងហោះហើរមួយទៀតដើម្បីបន្ដដំណើរទៅកាន់គោលដៅ៕
សូមទស្សនាវីដេអូខាងក្រោម ៖