ការប្រកួតបាល់ទាត់ប្រមូលប្រាក់ជួយពេទ្យ កុមារអង្គរ ឈានដល់វគ្គ Semi-Final ហើយ

2019-07-18 07:28:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ Charity Match ប្រមូលប្រាក់ជួយមន្ទីរពេទ្យ កុមារអង្គរ បានឈានដល់វគ្គពាក់កណ្ដាលផ្ដាច់ព្រ័ត្រហើយ ដែលការប្រកួតនឹងចាប់ផ្ដើមនៅចុងសប្ដាហ៍នេះ។

ក្រុមខ្លាំងទាំង៤ដែលឈានដល់វគ្គ៤ក្រុមចុងក្រោយនេះរួមមាន S4H , Svay Angkor , F3T និង Phum Baitang ។ នៅវគ្គនេះ ក្រុម S4H ប៉ះ Svay Angkor និង F3T ប៉ះក្រុម Phum Baitang ។ ការប្រកួតនឹងធ្វើឡើងនៅទីលាន Palm Container ក្នុងខេត្តសៀមរាប។ បើតាមលោក ឆៀង ផល្លា តំណាងគណៈកម្មាធិការប្រកួតពានរង្វាន់ខាងលើនេះ បានបញ្ជាក់ថានេះជាឆ្នាំទី៤ហើយដែលក្រុមការងាររបស់លោកបង្កើតការប្រកួតនេះឡើង។

គោលបំណងធំសម្រាប់ពាននេះ គឺដើម្បីប្រមូលប្រាក់ដើម្បីជួយដល់មន្ទីរពេទ្យកុមារអង្គរ ដែលបានជួយជីវិតក្មេងៗកម្ពុជារាប់ពាន់នាក់មកហើយ។ គិតមកដល់បច្ចុប្បន្ននេះ ពួកគេបានប្រមូលប្រាក់បានជាង១ម៉ឺនដុល្លារហើយ។ បើតាមគម្រោងនឹងរៀបចំការប្រកួតបាល់ទាត់នេះជារៀងរាល់ឆ្នាំនេះតែម្ដង៕

អត្ថបទ៖ មុន្នីរម្យ