ប្លែកណាស់! សាច់កំណាត់កែច្នៃពិសេស កាន់តែបែកញើសកាន់តែក្រអូប

2019-08-06 07:20:24
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រាវជ្រាវមួយក្រុមនៃសាកលវិទ្យាល័យ Minho ប្រទេសព័រទុយហ្គាល់ បានបង្កើតមធ្យោបាយចំនួនពីរសម្រាប់កែប្រែសាច់កំណាត់កប្បាស ឲ្យបញ្ជេញខ្លិនក្រូចពេលដែលក្រណាត់នោះបានប៉ះជាមួយញើស។

មធ្យោបាយទីមួយ គេប្រើប្រូតេអ៊ីនមួយប្រភេទដែលបានមកពីច្រមុះជ្រូកធ្វើជាតំណភ្ជាប់ម៉ូលេគុលក្លិនក្រូចទៅ នឹងម៉ូលេគុលមួយប្រភេទដែលសម្រាប់ភ្ជាប់ធាតុគីមីទាំងអស់នេះទៅនឹងសាច់ក្រណាត់។ មធ្យោបាយទីពីរ គឺគ្រាន់តែជំនួសប្រូតេអ៊ីនជាមួយ នឹងសារធាតុស្រដៀងខ្លាញ់មួយប្រភេទ ដែលគេហៅថា Liposomes។

សកម្មភាពបញ្ចេញក្លិន ចាប់ផ្តើមដោយសារធាតុអាស៊ីតក្នុងញើសផ្ដាច់ចំណងម៉ូលេគុលក្លិនឲ្យហើរ។ មធ្យោបាយទីមួយមានការបញ្ចេញក្លិនខ្លាំងលឿន ចេញបានរយៈពេលខ្លី រីឯមធ្យោបាយទីពីរវិញមានការបញ្ចេញក្លិនខ្សោយយឺត ចេញបានរយៈពេលយូរ។

បច្ចេកវិទ្យាដាក់ខ្លិនចូលកំណាត់មិនមែនថ្មីទេ ដោយមានការបញ្ចូលប្រេងខ្លិនចូលក្នុងសាច់កំណាត់ផ្ទាល់ តែរបៀបនេះគឺបញ្ចេញក្លិនរហូត ខុសពីរបៀបថ្មីទាំងពីរនេះដែលត្រូវការញើសដើម្បីបញ្ចេញខ្លិន។ ក្រៅពីបំបាត់ខ្លិនខ្លួន ខិ្លនក្រូចក៏ជាសារធាតុសត្វផងដែរ៕

ប្រភព៖ Cnet ប្រែសម្រួល៖ សុខ វេងឈាង