រួមរស់នៅ Liverpool បាន ៦ឆ្នាំ ពេលនេះ Mignolet ចេញរកទ្រនំថ្មីហើយ
- 2019-08-05 11:12:42
- ចំនួនមតិ 0 | ចំនួនចែករំលែក 0
រួមរស់នៅ Liverpool បាន ៦ឆ្នាំ ពេលនេះ Mignolet ចេញរកទ្រនំថ្មីហើយ
ចន្លោះមិនឃើញ
អ្នកចាំទីបែលហ្សិកកីឡាករ Simon Mignolet បានត្រលប់ទៅកាន់ស្រុកកំណើតរបស់ខ្លួនវិញ ដោយផ្ទេរទៅកាន់ក្លឹប Club Brugge ក្រោយពីលេងនៅ Liverpool បាន ២០៤ប្រកួត ក្នុងរយៈពេល ៦ឆ្នាំ។
បើតាមការប្រកាសរបស់ក្លឹបបែលហ្សិកនេះបានឲ្យដឹងថា អតីតកីឡាករ Liverpool រូបនេះបានព្រមព្រៀងជាមួយក្លឹបក្នុងកុងត្រា ៥ឆ្នាំ។ PA Media នៃសារព័ត៌មាន The Guardian បានឲ្យដឹងថា Club Brugge អាចនឹងទិញ Mignolet ពី Liverpool ក្នុងតម្លៃចន្លោះពី ៧.៧៨លានដុល្លារ ទៅ ជិត ១០លានដុល្លារ។
កីឡាកររូបនេះបានបាត់បង់តំណែងជាអ្នកចាំទីជម្រើសទី ១ ទៅកាន់អ្នកចាំទីអាល្លឺម៉ង់ Loris Karius ហើយក្រោយមកទៀតធ្លាក់ទៅអ្នកចាំទីប្រេស៊ីល Alisson Becker។
បើតាមប្រភពមួយចំនួនបានឲ្យដឹងថា Mignolet បានធ្វើការសំណូមពរតំណែងដៃទី ១ ពីលោក Jurgen Klopp អ្នកចាត់ការក្លឹប Liverpool នៅរដូវកាលថ្មីនេះ ប៉ុន្តែ Klopp បានបដិសេធ ហើយលោកក៏បើកផ្លូវឲ្យកីឡាករបែលហ្សិកចាកចេញទៅ។
Mignolet បានចាកចេញទៅបែលហ្សិកភ្លាមៗ ក្រោយពីប្រកួត Community Shield កាលពីថ្ងៃអាទិត្យ ដើម្បីមកត្រួតពិនិត្យសុខភាព និងបំពេញសំណុំបែបបទផ្សេងៗ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
