មកដឹងថ្ងៃក្រុមរាំ OMG ហោះទៅកូរ៉េ ដើម្បីប្រកួតក្នុងកម្មវិធី K-POP World Festival

2019-09-27 04:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ជយលាភីតែមួយគត់របស់កម្ពុជាក្រុមរាំស្រី OMG កំពុងតែត្រៀមខ្លួននិងប្រឹងប្រែងហ្វឹកហាត់ក្បាច់រាំ ដើម្បីនាំយកទស្សនីយភាពទាំងនោះទៅប្រកួតរាំជាអន្តរជាតិនៅប្រទេសកូរ៉េនាខែតុលាខាងមុខនេះ។

ដោយឡែកក្រុមរាំ OMG នឹងត្រូវចេញដំណើរទៅកាន់កូរ៉េនាថ្ងៃទី ២៩ ខែកញ្ញា ឆ្នាំ២០១៩ វេលាម៉ោង ១១ យប់នេះផងដែរ។ សមាជិកទាំង ៨ នាក់របស់ OMG នឹងចាប់ដៃជាមួយបេក្ខនារីមួយរូបទៀតឈ្មោះ នីសា ដែលបានជាប់លេខ ១ ដូចគ្នានៅខេត្តសៀមរាប ដើម្បីឡើងទៅសម្ដែងនិងប្រកួតនៅលើឆាក Changwon K-POP World Festival ២០១៩ របស់ទូរទស្សន៍ KBS។

នាឆ្នាំនេះដែរ កម្មវិធីតម្រូវឲ្យបេក្ខជនទាំងអស់ដែលមកពីបណ្ដាប្រទេសផ្សេងៗលើកយកតែបទចម្រៀងណាឬក្រុមតារាចម្រៀងណាដែលមានសមាជិកដូចទៅនឹងសមាជិករបស់ខ្លួនឯង។

នេះមានន័យថា បើក្រុមជយលាភីមានសមាជិក ៩ រូប នោះក្រុមបេក្ខជនត្រូវជ្រើសរើសយកបទចម្រៀងរបស់ក្រុមណាដែលមានសមាជិក ៩ នាក់ដូចគ្នា មកច្រៀងនិងរាំតាម ដើម្បីប្រកួត។

កម្មវិធីប្រកួតរាំបែប K-POP ជាអន្តរជាតិនេះនឹងប្រព្រឹត្តឡើងទៅនៅថ្ងៃទី ១១ ខែតុលា ឆ្នាំ២០១៩ ចាប់ពីម៉ោង ៧ យប់ ម៉ោងនៅកូរ៉េ ដែលមាន ១៣ ក្រុមចូលរួមប្រកួតដណ្ដើមយកជយលាភីជើងឯកមកពីបណ្ដាប្រទេសផ្សេងៗលើពិភពលោក។