អេហ្ស៊ីបបង្ហាញខ្មោចម៉ាំមីក្នុងការរកឃើញមឈូសឈើជាង ៣០ បង្កប់រឿងគួរឲ្យភ្ញាក់ផ្អើលមួយ
- 2019-10-21 00:38:01
- ចំនួនមតិ 0 | ចំនួនចែករំលែក 0
អេហ្ស៊ីបបង្ហាញខ្មោចម៉ាំមីក្នុងការរកឃើញមឈូសឈើជាង ៣០ បង្កប់រឿងគួរឲ្យភ្ញាក់ផ្អើលមួយ
ចន្លោះមិនឃើញ
អាជ្ញាធរអេហ្ស៊ីប បានបើកបង្ហាញការរកឃើញមឈូសឈើជាង ៣០ដែលគាស់ពីតំបន់ Luxor កាលពីថ្ងៃសៅរ៍កន្លងទៅ។
យោងតាមរដ្ឋលេខាធិការវត្ថុបុរាណលោក Mostafa Waziri ឲ្យដឹងថានេះគឺជាការរកឃើញធំបំផុតក្នុងប្រទេសអេហ្ស៊ីបអស់រយៈពេលជាង ១សតវត្ស ដោយអ្នកជំនាញអេហ្ស៊ីបផ្ទាល់។ មឈូសឈើទាំងនេះ ត្រូវបានបើកបង្ហាញនៅពីមុខប្រាសាទ Hatshepsut ដែលផ្ទុកទៅដោយខ្មោចម៉ាំមីអាយុកាលជាង ៣ ០០០ឆ្នាំ។ ក្នុងចំណោមខ្មោចទាំងអស់ ក្នុងនោះមានទាំងប្រុស ស្រីនិងក្មេងៗ២នាក់ ដែលគេជឿថាមកពីគ្រួសារថ្នាក់កណ្ដាល។
បើទោះបីជាខ្មោចម៉ាំមី ត្រូវបានរុំដោយក្រណាត់ក្ដី គេអាចកំណត់ភេទរបស់ពួកគេបានតាមរយៈទម្រង់ដៃនៅក្នុងមឈូស។ ប្រសិនបើដៃលាត មានន័យថាជានារី ហើយប្រសិនបើដៃក្ដាប់ចូលគ្នា នោះគឺជាបុរស។ អ្វីដែលគួរឲ្យភ្ញាក់ផ្អើលជាងនេះទៀត គឺមឈូសទាំងអស់ត្រូវបានរក្សារូបរាងយ៉ាងល្អ និងនៅរក្សាពណ៌បានល្អថែមទៀតផង បើទោះបីជាត្រូវបានកប់អស់រយៈពេលរាប់ពាន់ឆ្នាំក៏ដោយក្ដី។
ជាមួយគ្នាដែរ ការរកឃើញខ្មោចម៉ាំមីកូនក្មេង គឺជារឿងដែលកម្របំផុត ហើយពិភពលោកកំពុងចាប់អារម្មណ៍ខ្លាំងចំពោះក្មេងទាំងពីដែលទើបរកឃើញនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
