មជ្ឈមណ្ឌលបច្ចេកវិទ្យា Tech Center របស់ NIPTICT នឹងលេចចេញរូបរាងឆាប់ៗនេះ

2019-10-22 08:52:41
ចំនួនមតិ 0 | ចំនួនចែករំលែក 0

ចន្លោះមិនឃើញ

វិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍និងព័ត៌មាន (NIPTICT) បានបើកការដ្ឋានសាងសងអគារ មជ្ឈមណ្ឌលបច្ចេកវិទ្យា (Tech Center) កាលពីថ្ងៃទី ២១ ខែតុលា ដោយប្រើប្រាស់រយៈពេល ១៨ខែដើម្បីធ្វើការសាងសង់ឲ្យបានរួចរាល់។

ពិធីបើកការដ្ឋានសាងសងដោយមានការចូលរួមជាអធិបតីភាព ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងជាប្រធានក្រុមប្រឹក្សាមូលនិធិ ស.អ. ដោយមានការចូលរួមពីសំណាក់ថ្នាក់ដឹកនាំនៃក្រសួងប.ទ អនុប្រធាននិងសមាជិកក្រុមប្រឹក្សាមូលនិធិ ស.អ. តំណាងក្រុមហ៊ុនមិត្តហ្វូន មន្ត្រីលេខាធិការដ្ឋាននៃក្រុមប្រឹក្សាមូលនិធិ ស.អ. សាស្ត្រាចារ្យ និស្សិត NIPTICT និងស្ថាប័នដែលជាដៃគូនានា។

មជ្ឈមណ្ឌលបច្ចេកវិទ្យា (ហៅជាភាសាអង់គ្លេសថា Tech Center) សាងសង់ឡើងដោយប្រើប្រាស់មូលនិធិនៃការកសាងសមត្ថភាពនិងការស្រាវជ្រាវ និងការអភិវឌ្ឍលើវិស័យ ប.គ.ព (មូលនិធិ ស.អ.) ដែលជាមូលនិធិមួយកើតចេញអំពីការចង្អុលបង្ហាញពីច្បាប់ស្តីពីទូរគមនាគមន៍ ដោយកំណត់ឱ្យប្រតិបត្តិករទូរគមនាគមន៍បង់វិភាគទានចំនួន ១ភាគរយនៃចំណូលដុលដើម្បីចូលរួមអភិវឌ្ឍន៍ដល់ការបណ្តុះបណ្តាលធនធានមនុស្ស ការស្រាវជ្រាវ និងការអភិវឌ្ឍផ្នែកទូរគមនាគមន៍ និងបច្ចេកវិទ្យាគមនាគមន៍និងព័ត៌មានស្របតាមគោលនយោបាយអភិវឌ្ឍន៍វិស័យទ-ប.គ.ព របស់កម្ពុជា។

អគារមជ្ឈមណ្ឌលបច្ចេកវិទ្យា មានកម្ពស់ ៤ជាន់ និងទំហំអគារសរុប ៣៨០០ម៉ែត្រក្រឡា នឹងក្លាយជាមជ្ឈមណ្ឌលស្រាវជ្រាវនិងអភិវឌ្ឍន៍បច្ចេកវិទ្យាឌីជីថលដំបូងគេនៅកម្ពុជា ដែលកើតឡើងពីកិច្ចសហការរួមគ្នារវាងវិទ្យាស្ថានជាតិ NIPITCT ដែលជាគ្រឹះស្ថានស្រាវជ្រាវរបស់រដ្ឋ និងក្រុមហ៊ុន Viettel (Cambodia)។

មជ្ឈមណ្ឌលបច្ចេកវិទ្យា នឹងត្រូវប្រើប្រាស់សម្រាប់ជម្រុញការស្រាវជ្រាវ និង ប្រែក្លាយ សមិទ្ធផលដែលកើតចេញពីការស្រាវជ្រាវនិងអភិវឌ្ឍន៍ផ្នែកបញ្ញាសប្បនិម្មិត(AI) វិទ្យាសាស្រ្តទិន្នន័យ (Data Science) អ៊ិនធឺណិតនៃវត្ថុ(IoT) បច្ចេកវិទ្យាពពក (Cloud Computing) សុវត្ថិភាពអ៊ិនធឺណិត ទៅជាបច្ចេកវិទ្យាឌីជីថលដែលអាចធ្វើអាជីវកម្មបានដូចជាបច្ចេកវិទ្យាបម្រើឱ្យរដ្ឋាភិបាលឌីជីថល (GovTech) បច្ចេកវិទ្យាសម្រាប់អប់រំ (EduTech) បច្ចេកវិទ្យាសម្រាប់កសិកម្ម (AgriTech) បច្ចេកវិទ្យាសម្រាប់ហិរញ្ញវត្ថុ (FinTech) បច្ចេកវិទ្យាសម្រាប់សុខាភិបាល (HealthTech)។

គួរបញ្ជាក់ផងដែរថា អគារមជ្ឈមណ្ឌលបច្ចេកវិទ្យា (Tech Center) នេះ ជាសមិទ្ធផលទីពីរនៃការសាងសង់ក្នុងក្របខ័ណ្ឌមូលនិធិ ស.អ. ដែលគ្រោងនឹងសាងសង់រួចរាល់ក្នុងរយៈ១៨ ខែ។ ចំពោះអគារមជ្ឈមណ្ឌលនវានុវត្តន៍ (Innovation Center) ដែលជាសមិទ្ធផលទី១ នឹងត្រូវដាក់ឱ្យដំណើរការក្នុងដើមឆ្នាំ២០២០ ខាងមុខនេះ៕

អត្ថបទ៖ ម៉េងងី

ពាក្យទាក់ទង

ព័ត៌មានបច្ចេកវិទ្យាក្នុងស្រុក NIPTICT Knowledge

អត្ថបទពេញនិយម

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

២០ ឆ្នាំមុន ស្រ្តីបរទេសម្នាក់ ចំណាយប្រាក់១៥០០០ ដុល្លារ ទិញកោះមួយ សព្វថ្ងៃក្លាយជា កោះសង្សារ លំដាប់អភិជន

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

អត្ថបទថ្មី

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas