Fan ដឹងតែសប្បាយចិត្តហើយ អេដា ល្បីថា មានស្នាដៃច្រើនគ្រោងចេញពីឥឡូវនេះទៅ

2019-11-05 08:18:23
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមព័ត៌មានដែលទទួលបាន តារាចម្រៀង អេដា ដែលមិនសូវចេញមុខមាត់ប៉ុន្មាននាមួយរយៈកាលចុងក្រោយនេះនោះ មានដំណឹងថា នាងសម្ងំផលិតបទផ្ទាល់ខ្លួននាងមួយចំនួនត្រៀមបញ្ចេញបន្តបន្ទាប់ពីឥឡូវនេះទៅ។

ម្ចាស់បទ "នៅទីនេះមានមនុស្សខូចចិត្ត" ទើបតែបញ្ចេញបទថ្មីមួយកាលពីប៉ុន្មានថ្ងៃមុន មានចំណងជើងថា "មិនទាន់អស់ចិត្ត" ដោយទើបតែចេញបានត្រឹម Video Lyric នៅឡើយ នៅលើបណ្ដាញយូធូប។ នេះជាបទថ្មីបំផុតរបស់នាង បន្ទាប់ពីបទ "ចាំស្អែក ចាំបែកគ្នា" “មានខ្លួន" និងបទ "តួកម្សត់" ជាដើម។ យ៉ាងណា តាមដំណឹង អេដា នៅមានបទច្រើនទៀត ដែលត្រូវចេញ។ នេះបើតាមប្រភពជិតស្និទ្ធនឹងតារាស្រីខាងលើ។

ប្រភពមិនសុំបញ្ចេញឈ្មោះម្នាក់ លួចបង្ហើបថា បន្ទាប់ពី "មិនទាន់អស់ចិត្ត" នេះទៅ តារាស្រីនៅមានបទចម្រៀងចំនួន២បទទៀត ដែលត្រូវនឹងចេញនៅដំណាច់ឆ្នាំ ២០១៩។ ដោយឡែក នៅដើមឆ្នាំ ២០២០ ខាងមុខ ក៏តារាស្រីរូបនេះ នៅតែមានបទចម្រៀងត្រូវចេញ ដើម្បីបំពេអារម្មណ៍ប្រិយមិត្ត និងអ្នកគាំទ្រនាងដែរ។ "នៅក្នុងឆ្នាំ ២០២០ ខ្ទង់ដើមឆ្នាំ គឺនាងមានបទចំនួន ៣បទទៀត។

រូបភាព៖ ទំព័រហ្វេសប៊ុក អេដា

យ៉ាងណា ប្រភពមិនព្រមបញ្ចេញចំណងជើងបទចម្រៀងទាំង៥បទ ដែលត្រូវចេញនៅដំណាច់ឆ្នាំនេះ និងដើមឆ្នាំ ២០២០នោះទេ ដោយរូបគេលើកឡើងថា សុំលាក់ទុកសិន ដើម្បីឲ្យអ្នកគាំទ្រមានការភ្ញាក់ផ្អើល។ "ក្រៅពីបទទាំងប៉ុន្មានខាងលើ គាត់នៅមានបទពិសេសមួយទៀត ជាប្រភេទបទ Remix មួយបទទៀត ប៉ុន្តែសុំមិនបង្ហើបថាជាបទអ្វី និងច្រៀងជាមួយនរណាខ្លះ!”។ ប្រភពដដែលបន្ថែម។

តោះ...ឥឡូវមកស្ដាប់បទថ្មី "មិនទាន់អស់ចិត្ត" របស់កញ្ញា អេដា ទាំងអស់គ្នាសិន!