ទស្សនាវដ្ដី Forbes ដាក់ងារ IU ជាវីរនារីសប្បុរសធម៌ប្រចាំនៅអាស៊ីឆ្នាំ ២០១៩

2019-12-03 08:13:49
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែង និងជាតារាចម្រៀងទោលប្រចាំ K-Pop គឺ IU បានជាប់ឈ្មោះជាវីរនារីសប្បុរសធម៌នៅអាស៊ីប្រចាំឆ្នាំ ២០១៩នេះ ក្រោយពីទស្សនាវដ្ដី Forbes បានកត់សម្គាល់កន្លងមក។

តារាសម្ដែង ដែលមានការងារជាអ្នកនិពន្ធផង និង តារាចម្រៀងផងនេះ បានក្លាយជាកំពូលសប្បុរសជនដែលមានវ័យក្មេងជាងគេ ក្នុងចំណោមសប្បុរសជនល្បីៗផ្សេងទៀត ដែលតែងសកម្មក្នុងការចំណាយលុយផ្ទាល់ខ្លួនជួយសង្គម។

ផ្អែកតាមទស្សនាវដ្ដី Forbes បានពិនិត្យមើលការបរិច្ចាគជាទឹកប្រាក់ដ៏ច្រើនចេញពីចូលរួមរបស់សប្បុរសជនជាច្រើននាក់ ដែលនេះពិតជាបញ្ជាក់ពីទឹកចិត្តមេត្តា ករុណារបស់អ្នកទាំងនោះក្នុងការជួយអ្នកកំពុងត្រូវការជំនួយ។

សម្រាប់ IU បានបរិច្ចាគទឹកប្រាក់ដល់ទៅខ្ទង់ ៩០០លានវ៉ុន ជួយដល់អ្នករងគ្រោះជាច្រើននាក់ តាំងពីឆ្នាំ ២០១៨មក។ ក្នុងខែមេសា នាងបានចំណាយលុយជួយដល់កិច្ចប្រឹងប្រែងជួយសង្គ្រោះសម្រាប់ភ្លើងឆេះព្រៃ នៅខចេត្ត Gangwon និងកាលពីខែមីនា នាងក៏បានបរិច្ចាគលុយទៅដល់សមាគម គ ថ្លង់ Seoul Association of The Deaf ក៏ដូចជា កុមរាក្រីក្រជាច្រើននាក់ ឲ្យទទួលបានការថែរក្សា ការពារជាច្រើនរូបភាពផ្សេងទៀតកាលពីខែឧសភា៕