ជើងឯក World Cup ឆ្នាំ២០១៤ កៀកនឹងមកលេងឲ្យក្លឹបក្នុងតំបន់អាស៊ាន

2020-01-15 11:09:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតជើងឯកពានបាល់ទាត់ពិភពលោក ខ្សែប្រយុទ្ធអាល្លឺម៉ង់ Lukas Podolski បានមកទស្សនកិច្ចនៅក្លឹបម៉ាឡេស៊ី Johor Southern Tigers នេះបើតាមសាមីក្លឹបបង្ហោះក្នុងទំព័រហ្វេសប៊ុករបស់ខ្លួន។

បើយោងតាមការចុះផ្សាយរបស់សារព័ត៌មាន Fox Sports បានឲ្យដឹងថា អតីតខ្សែប្រយុទ្ធក្រុមជម្រើសជាតិអាល្លឺម៉ង់រូបនេះ បានមកធ្វើការទស្សនាកីឡដ្ឋានថ្មីរបស់ក្លឹបម៉ាឡេនេះផង ក៏ដូចជា បានចូលគាល់រជ្ជទាយាទនៃបុរី (រដ្ឋ) Johor ដែលជាព្រះប្រធាននៃក្លឹបនេះ។

ប្រទេសម៉ាឡេស៊ី ជាប្រទេសសហព័ន្ធដែលមានរដ្ឋទាំងអស់ចំនួន ដោយក្នុងនោះមានរដ្ឋចំនួន ៩ មានខ្សែរាជវង្សរៀងៗខ្លួនគ្រប់គ្រង។

ព្រះអង្គម្ចាស់នៃ Johor នេះក៏បានប្រាប់សារព័ត៌មានមួយចំនួនកាលពីពេលថ្មីៗនេះ អំពីចំណាប់អារម្មណ៍ក្នុងការនាំចូលកីឡាករអាល្លឺម៉ង់នេះ។ ប៉ុន្តែក្លឹបម៉ាឡេនេះ មានកីឡាករបរទេស ៥រូប គ្រប់កូតាកីឡាកររបស់លីគបាត់ទៅហើយ។

ក្នុងពេលបច្ចុប្បន្ននេះដែរ Podolski កំពុងតែប្រកបអាជីពជាមួយ អតីតខ្សែបម្រើ Barcelona កីឡាករ Andreas Iniesta នៅក្លឹបជប៉ុន Vissel Kobe៕

ប្រភព៖ Fox Sports Asia ប្រែសម្រួល៖ ហ៊ីម រស្មី