១ថ្ងៃឆ្លង ៦ពាន់នាក់! រុស្ស៊ីឡើងអ្នកជំងឺ កូវីដ១៩សរុបជាង ៨ម៉ឺនករណី
- 2020-04-27 23:01:00
- ចំនួនមតិ 0 | ចំនួនចែករំលែក 0
១ថ្ងៃឆ្លង ៦ពាន់នាក់! រុស្ស៊ីឡើងអ្នកជំងឺ កូវីដ១៩សរុបជាង ៨ម៉ឺនករណី
ចន្លោះមិនឃើញ
ទិន្នន័យផ្លូវការបានបង្ហាញថាប្រទេសរុស្ស៊ី បានរាយការណ៍ករណីថ្មីនៃជំងឺកូវីដ១៩ចំនួន ៦ ១៩៨នាក់ ក្នុងរយៈពេល ២៤ ម៉ោងចុងក្រោយដែលបណ្ដាលឲ្យអ្នកឆ្លងសរុបក្នុងប្រទេសនេះឡើងដល់ ៨៧ ១៤៧នាក់។
មជ្ឍមណ្ឌលឆ្លើយតបនឹងវីរុសឆ្លងរបស់រុស្ស៊ី បាននិយាយនៅក្នុងសេចក្តីថ្លែងការណ៍មួយថាចំនួនអ្នកស្លាប់ដោយសារជំងឺនេះបានកើនឡើងពី ៥០ នាក់មកដល់ ៧៩៤ នាក់ ខណៈមនុស្ស ៧ ៣៤៦ នាក់បានព្យាបាលជាសះស្បើយ ក្នុងនោះមាន ៥៧៩ នាក់ក្នុងរយៈពេល ២៤ ម៉ោងចុងក្រោយ។ ទីក្រុងមូស្គូដែលជាតំបន់រងគ្រោះខ្លាំងជាងគេរបស់ប្រទេសនេះ បានបញ្ជាក់ពីករណីថ្មីចំនួន ២ ៨៧១ ករណី។ ពលរដ្ឋទាំងអស់លើកលែងតែអ្នកធ្វើការសម្រាប់ស្ថាប័ន និងគ្រឹះស្ថានសំខាន់ៗ គឺទទួលបានប្រាក់ឈ្នួលឈប់សម្រាកពីថ្ងៃទី ៣០ ខែមីនារហូតដល់ថ្ងៃទី ៣០ ខែមេសាដែលជាផ្នែកមួយនៃកិច្ចខិតខំប្រឹងប្រែងរបស់រដ្ឋាភិបាលដើម្បីទប់ស្កាត់ការរីករាលដាលនៃវីរុសនេះ។
ប្រជាជនរុស្ស៊ី អាចត្រូវបានអនុញ្ញាតឱ្យចេញទៅក្រៅសម្រាប់តែដើម្បីទទួលបានការថែទាំសុខភាព, ធ្វើដំណើរទៅធ្វើការ, ហាង ឬឱសថស្ថានដែលនៅជិតបំផុត ឬបណ្ដើរសត្វចិញ្ចឹមប៉ុណ្ណោះ៕