អតីតកីឡាករ Schalke ស្លាប់កាលពីឆ្នាំ២០១៦ ត្រូវបានប្រទះឃើញរស់ធម្មតាវិញ
- 2020-05-05 11:03:11
- ចំនួនមតិ 0 | ចំនួនចែករំលែក 0
អតីតកីឡាករ Schalke ស្លាប់កាលពីឆ្នាំ២០១៦ ត្រូវបានប្រទះឃើញរស់ធម្មតាវិញ
ចន្លោះមិនឃើញ
អតីតកីឡាករក្លឹបអាល្លឺម៉ង់ Schalke លោក Hianick Kamba ត្រូវបានគេប្រទះឃើញថា "នៅរស់រានមានជីវិតធម្មតា" ខណៈមានសេចក្ដីរាយការណ៍ថា គេបានបាត់បង់ជីវិតដោយគ្រោះថ្នាក់ចរាចរណ៍នៅសាធារណរដ្ឋប្រជាធិបតេយ្យកុងហ្គោ (DR Congo) កាលពីឆ្នាំ២០១៦កន្លងទៅ។
បើយោងតាមសារព័ត៌មានបែបស៊ើបអង្កេត Bild បានឲ្យដឹងថា លោក Kamba នៅរស់រានធម្មតា ដោយសព្វថ្ងៃធ្វើការជាអ្នកបច្ចេកទេសខាងគីមីនៅតំបន់រ៉ួ ប្រទេសអាល្លឺម៉ង់។ លោកត្រូវបានគេរាយការណ៍ថា បានដាក់ពាក្យបដិសេធមរណភាពក្នុងស្ថានទូតអាល្លឺម៉ង់ប្រចាំទីរដ្ឋធានី ស.ប.កុងហ្គោ កាលពីឆ្នាំ២០១៨កន្លងទៅ។
រឿងហេតុនេះធ្វើឲ្យគេសង្ស័យថា អតីតប្រពន្ធរបស់ Kamba បានយកប្រាក់ធានារ៉ាប់រ៉ងដោយខុសច្បាប់។ ទាក់ទិននឹងរឿងនេះដែរ រដ្ឋអាជ្ញាប្រទេសអាល្លឺម៉ង់ក៏ចាប់ផ្ដើមបើកការស៊ើបអង្កេតរឿងនេះដែរ។
យ៉ាងណាក៏ដោយ អតីតប្រពន្ធរបស់ Kamba បានបដិសេធនឹងការចោទប្រកាន់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
