ឃឹម បូរ៉ា ធន់ មករា វ៉ាន់ វឿន បឺត សង្ឃឹម វ៉ៃផ្ដាច់ព្រ័ត្រយកទឹកប្រាក់ ៥០០០-៦០០០ដុល្លារស្អែកនេះ

2020-06-12 04:48:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់សង្វៀន CNC ស្អែកនេះគឺមានការប្រកួតវគ្គផ្ដាច់ព្រ័ត្រខ្សែក្រវាត់ ២កម្មវិធីផ្សេងគ្នារួមមាន ឃឹម បូរ៉ា ប៉ះ ធន់ មករា ខ្សែក្រវាត់ស្រាបៀកម្ពុជា និង វ៉ាន់ វឿន ប៉ះ បឺត សង្ឃឹម ខ្សែក្រវាត់គោជល់ផងដែរ។ (រូបភាពក្របខាងក្រៅរបស់ផេក Sport Zone)

រូបភាពរបស់ផេក Sport Zone

កីឡាករ ឃឹម បូរ៉ា ដែលត្រូវប្រកួតផ្ដាច់ព្រ័ត្រដណ្ដើមខ្សែក្រវាត់ស្រាបៀកម្ពុជា លើប្រភេទទម្ងន់ ៦០គីឡូក្រាម នឹងត្រូវធ្វើឡើងនាថ្ងៃស្អែកនេះចាប់ពីម៉ោង ៨ព្រឹកតទៅ។ អ្នកដែលឈ្នះទទួលបានខ្សែក្រវាត់១គ្រឿង អមដោយទឹកប្រាក់ ២៤លានរៀល(៦០០០ដុល្លារ)។

ចំណែកការប្រកួតរវាង វ៉ាន់ វឿន និង បឺត សង្ឃឹម វិញនឹងត្រូវធ្វើឡើងនៅថ្ងៃស្អែកដូចគ្នា ប៉ុន្តែចាប់ពីម៉ោង ៦ល្ងាចទៅ។ ពួកគេប្រកួតវគ្គផ្ដាច់ព្រ័ត្រខ្សែក្រវាត់គោជល់ លើប្រភេទទម្ងន់ ៥៧គីឡូក្រាម។ អ្នកដែលឈ្នះទទួលបានខ្សែក្រវាត់១គ្រឿង អមដោយទឹកប្រាក់២០លានរៀល(៥០០០ដុល្លារ)៕

អត្ថបទ៖ នួន ស៊ីណា