គីឡូធ្ងន់ប៉ះគ្នាលើកទី១ លី រិទ្ធី ឡុង សុវណ្ណឌឿន បានត្រឹមស្មើពិន្ទុ

2020-06-22 07:12:02
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ស្រករក្រោយមកពីខេត្តសៀមរាប លី រិទ្ធី ប៉ះគ្នាលើកទី១ ជាមួយរៀមច្បង ឡុង សុវណ្ណឌឿន បានត្រឹមស្មើពិន្ទុប៉ុន្តែបន្សល់ស្នាមខ្លះដែរកាលពីថ្ងៃសៅរ៍ ទី២០ មិថុនា ២០២០ លើសង្វៀន CNC ។

លី រិទ្ធី (ក្រហម) សុវណ្ណឌឿន (ខៀវ)

ឡុង សុវណ្ណឌឿន មិនប្រណីសិស្សប្អូននោះទេ ខណៈ រិទ្ធី ក៏មិនទុកមុខឲ្យរៀមច្បងវិញដែរ ពោលពេញ៥ទឺកវ៉ៃគ្មានទុកកម្លាំងឡើយ។ សិស្សគុនមកពីក្លឹប Mr Ly ខាងលើនេះបើទោះជាឥលូវកំពុងឡើងវិជ្ជាគុនយ៉ាងណាក្ដី ប៉ុន្តែមិនអាចផ្ដួល ឡុង សុវណ្ណឌឿន ឬយកឈ្នះកីឡាករចាស់វស្សានេះបានឡើយ។

លី រិទ្ធី (ក្រហម) សុវណ្ណឌឿន (ខៀវ)

លី រិទ្ធី និង សុវណ្ណឌឿន ប្ដូរកណ្ដាប់ដៃគ្នាច្រើន ពោលត្រូវដូចគ្នាវិញទៅមក។ លី រិទ្ធី ពេលខ្លះក៏ចង់គាំងម្ដងៗដោយសារតែកណ្ដាប់ដៃចេញលឿនៗរបស់ពិធីករនៅ CNC ខាងលើនេះដែរ។ ចំណែក ឡុង សុវណ្ណឌឿន វិញក៏គាំងម្ដងៗដោយសារ លី រិទ្ធី ទាត់កាត់ខ្លីជើងឆ្វេងចូលឆ្អឹងជំនី។ សុវណ្ណឌឿន ក៏បានបែកក្បាលនាការប្រកួតនោះដែរដោយសារតែបុកក្បាលគ្នានៅពេលចូលអោបលេងជង្គង់។

រំលឹកដែរថា ការប៉ះគ្នាលើកទី១ នៅលើសង្វៀន CNC របស់ លី រិទ្ធី និង ឡុង សុវណ្ណឌឿន កាលពីថ្ងៃសៅរ៍កន្លងទៅនេះបានត្រឹមស្មើពិន្ទុប៉ុណ្ណោះ៕

អត្ថបទ៖ នួន ស៊ីណា