បុរសជប៉ុនវ័យ៤៥ឆ្នាំ ម្នាក់ក្លាយជាមនុស្សដំបូងរៀនចប់អនុបណ្ឌិត មុខវិជ្ជានិនចា
- 2020-06-30 23:48:49
- ចំនួនមតិ 0 | ចំនួនចែករំលែក 0
បុរសជប៉ុនវ័យ៤៥ឆ្នាំ ម្នាក់ក្លាយជាមនុស្សដំបូងរៀនចប់អនុបណ្ឌិត មុខវិជ្ជានិនចា
ចន្លោះមិនឃើញ
បុរសជនជាតិជប៉ុនម្នាក់បានក្លាយជាមនុស្សដំបូងគេដែលទទួលបានសញ្ញាប័ត្រសិក្សាអ្នកលេងកាំបិតសាំម៉ូរៃ និនចា។
មានឈ្មោះថា Genichi Mitsuhashi លោកជានិស្សិតនៃសាកលវិទ្យាល័យ Mieនៃប្រទេសជប៉ុនបានរៀនចប់ថ្នាក់អនុបណ្ឌិតនៃមុខវិជ្ជាសិក្សាពីនិនចា បន្ទាប់ពីចំណាយពេលស្រាវជ្រាវចងក្រងឯកសារប្រវត្តិសាស្ត្រអស់រយៈពេល២ឆ្នាំ និងចាប់យកជីវិតរស់នៅបែបនិនចា។
និនចាបានលាក់ខ្លួនក្នុងអាថ៌កំបាំងជាមួយនឹងបេសកកម្មជាច្រើនរបស់ពួកគេដែលមិនត្រូវបានគេកត់ត្រាទុករហូតដល់សម័យតូកហ្គូវ៉ា ឬក៏អេដូ។ មានការបកស្រាយតិចតួចពីក្រុមនិនចាមួយចំនួនតូចដែលគេបានស្គាល់ក្នុងប្រទេសជប៉ុន។
បុរសអាយុ៤៥ឆ្នាំចាប់អារម្មណ៍ខ្លាំងលើការស្រាវជ្រាវ និងហាត់ក្បាច់គុន និងជាសិស្សម្នាក់ ក្នុងចំណោម៣នាក់ប៉ុណ្ណោះដែលរៀនថ្នាក់អនុបណ្ឌិតផ្នែកនិនចានៅសាកលវិទ្យាល័យ Mie។ លោកគ្រោងបន្តការសិក្សាថែមទៀតដើម្បីឆ្ពោះទៅយកថ្នាក់បណ្ឌិតផ្នែកនិនចា៕