បានចាប់កាន់ Note20 Ultra ក្នុងដៃភ្លាម ថតបង្ហាញគេភ្លែត!
- 2020-07-07 05:32:41
- ចំនួនមតិ 0 | ចំនួនចែករំលែក 0
បានចាប់កាន់ Note20 Ultra ក្នុងដៃភ្លាម ថតបង្ហាញគេភ្លែត!
ចន្លោះមិនឃើញ
រូបរាងចាប់កាន់ Galaxy Note20 Ultra នៅជាប់នឹងដៃត្រូវបាន YouTuber ឈ្មោះ Jimmy Is Promo ចែកចាយនៅលើបណ្ដាញសង្គម ឲ្យគេបានឃើញច្បាស់ៗពីរូបរាងរបស់ស្មាតហ្វូនមុនការប្រកាសចេញជាផ្លូវការ ដែលរំពឹងថាធ្វើឡើងនាថ្ងៃទី ៥ ខែសីហា។
រូបភាពទាំងប៉ុន្មានសន្លឹកមានបង្ហាញពីរូបរាងទាំងមុខ និងក្រោយ ដោយផ្នែកខាងមុខមានការប្រើប្រាស់ការឌីហ្សាញចោះរន្ធអេក្រង់ដាក់កាមេរ៉ា Selfie នៅចំកណ្ដាលដូចជា Galaxy Note10 និង Galaxy S20 ដែរ។ ហើយមានបង្ហាញដែរថាបន្ទះអេក្រង់មានរចនាបថរាងកោងផ្នែកសងខាង។ ប្រភពខាងលើបានអះអាងថាទីតាំងប៊ិច S-Pen និងរន្ធបំពងសំឡេងត្រូវបានផ្លាស់ទីតាំងទៅផ្នែកខាងឆ្វេងនៃស្មាតហ្វូនផងដែរ។
ចំណែកខ្នងខាងក្រោយវិញមានការបំពាក់នូវកាមេរ៉ាបីគ្រាប់ ដែលមានកាមេរ៉ាមេដែលគេជឿជាក់ថាមានទំហំ ១០៨MP, កាមេរ៉ា Ultra-Wide និងកាមេរ៉ា Telephoto។ នៅក្បែរកាមេរ៉ាទាំងបីមាន Sensor ដែលអាចជា 3D ToF ឬជា Laser Autofocus៕