បែបបណ្តោយលែងបាន «អនាគត» ប្រឹងស្កាត់មកណែនាំ «បច្ចុប្បន្ន» ពីរបៀបទុកដាក់លុយ(មានវីដេអូ)

2020-07-12 01:52:01
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីសប្តាហ៍មុន វីដេអូខ្លីមួយ អមដោយខេបសិន “ធ្លាប់គិតអត់ បើត្រលប់ទៅ ៥ឆ្នាំមុនបាន ចង់ឲ្យខ្លួនឯងកែទម្លាប់អីចេញខ្លះ?” #FutureMe បានទាក់ទាញការចាប់អារម្មណ៍យ៉ាងខ្លាំង ដោយសារសាច់រឿងនេះបានបាញ់ចំៗ ទៅអ្នកដែលរកលុយបាន តែមិនដែលដឹងសល់ម៉េច ។ អ្វីពិសេសនោះ គឺបានប្រាប់ពីរបៀបទុកដាក់លុយកាក់ទាន់កំពុងពេលរកបាន គ្រាន់សល់ប្រើគ្រាអាសន្នអន់ក្រ (ដូចករណីមានកូវីដ១៩ នេះជាដើម)។

វីដេអូនេះនិយាយ ពីជីវិតហ៊ឺហាររបស់យុវជនម្នាក់ឈ្មោះ សម័យ ដែលមានលុយដឹងតែចាយ។ បែបទ្រាំលែងបាន «សម័យអនាគត» បានត្រលប់មកបច្ចុប្បន្ន ជំនាន់ដែលខ្លួននៅក្មេងចាយអត់ចេះគិតនេះ ដើម្បីប្រដៅណែនាំ ខ្លួនឯង ពីរបៀបទុកដាក់លុយកាក់ ដើម្បីបង្ការកុំឲ្យទៅអនាគតខ្លួនយា៉ប់យឺនពេក។

ក្នុងវីដេអូខ្លី ៤នាទីនេះ បានលម្អិតពី ៧ចំណុចដែលយុវជនគួរយកចិត្តទុកដាក់ និងប្រឹងអនុវត្តឲ្យបាន បើមិនចង់វេទនារឿងហិរញ្ញវត្ថុទៅថ្ងៃមុន ដូចជា ៖

១. ដឹងពីចំណូលចំណាយរបស់ខ្លួនឯង ៖ ប្រាក់ចូលតាមណា ហើយចេញទៅវិញតាមណា ចៀសវាងចាយអត់ដឹងមុខ អស់លុយពីកាបូបមិនដឹងខ្លួន

២. កាត់បន្ថយការចំណាយ ៖ មើលខ្ទង់ណាមិនចាំបាច់ ឬអាចអត់បាន គួរកាត់ចោល

៣. ចេះតថ្លៃ ៖ មុនចង់ទិញអី ធ្វើ Research មើលឲ្យស្គាល់តម្លៃទីផ្សាររបស់ដែលខ្លួនចង់បាន ,ងាយស្រួលពេលតថ្លៃកុំឲ្យខុស , មើលឲ្យតម្លៃគេមួយសមរម្យផង, ស្គាល់កន្លែងទិញរបស់បានល្អ ហើយធូរថ្លៃជាដើម។

៤. ទូរទាត់បំណុល ៖ បើមានលុយហើយ ត្រូវប្រញាប់ទូទាត់បំណុលឲ្យអស់កុំចាំថ្ងៃនេះថ្ងៃនោះ នាំឲ្យការប្រាក់កើនឡើងកាន់តែច្រើន

៥. លក់របស់ដែលមិនត្រូវការ ៖ មានវិបសាយ និងអេបផ្សារអនឡាញដាក់លក់របស់មួយទឹកច្រើនណាស់ អាចសាកល្បងប្រើបាន ។ លក់ចេញមិនសូវចង្អៀតផ្ទះ អារម្មណ៍ក៏ស្រឡះល្អ។

៦. ឆ្លៀតពេលរកចំណូលបន្ថែម ៖ ក្រៅពីការងារស្នូល គួររកការងារផ្សេងធ្វើដើម្បីបានចំណូមបន្ថែម ទាន់ខ្លួននៅក្មេង ពេញកម្លាំង កុំទុកពេលវេលាចោលអត់ប្រយោជន៍។ ធ្វើការរៀងរវល់បន្តិច អត់ពេលដើរចាយ ហើយចំណេញបានលុយហូរចូលទៀត។

៧. បង្កើនពិន្ទុឥណទានរបស់អ្នក (ប្រវត្តិហិរញ្ញវត្ថុល្អ) ៖ ក្រែងចង់ទិញផ្ទះ ទាន់ឃើញពេញចិត្ត តែលុយមិនគ្រប់ អាចខ្ចីធនាគារបាន។ ដូច្នេះត្រូវតែមានប្រវត្តិឥណទានល្អទើបធនាគារព្រមផ្តល់កម្ចី។

ចង់ដឹងលម្អិតពីរៀបទុកដាក់លុយកាក់នេះកាន់តែច្បាស់ ទាំងល្អមើល ល្អសើច ហើយមានប្រយោជន៍ជាចំណេះដឹងទៀត

តោះ!មើលទាំងអស់គ្នា ៖

អត្ថបទ៖ លីដា

ពាក្យទាក់ទង