កញ្ចក់ការពារ Galaxy Note20 ធ្លាក់ពីកម្ពស់ ២ម៉ែត្រ ក៏មិនបែកដែរ
- 2020-07-24 01:42:03
- ចំនួនមតិ 0 | ចំនួនចែករំលែក 0
កញ្ចក់ការពារ Galaxy Note20 ធ្លាក់ពីកម្ពស់ ២ម៉ែត្រ ក៏មិនបែកដែរ
ចន្លោះមិនឃើញ
ក្រុមហ៊ុន Corning បានបង្ហាញចេញកញ្ចក់ការពារ Gorilla Glass ជំនាន់ថ្មី ដែលមានឈ្មោះថា Gorilla Glass Victus ដែលកាន់តែធន់នឹងការឆ្កូត រួមទាំងទ្រាំទ្រនឹងការធ្លាក់ពីកម្ពស់ខ្ពស់បានប្រសើរជាងជំនាន់មុន។
ក្នុងការធ្វើតេស្ត កញ្ចក់ Victus នេះ អាចទ្រាំទ្រនឹងការទម្លាក់ពីកម្ពស់ ២ម៉ែត្រ ទៅលើផ្ទៃរឹង ដោយមិនមានបែកប្រេះអ្វីឡើយ។
បកទៅមើលកញ្ចក់ Gorilla Glass 5 មានឱកាស ៨០% អាចទ្រាំទ្រពីការធ្លាក់កម្ពស់ ១,៦ម៉ែត្រ ហើយចូលដល់កញ្ចក់ Gorilla Glass 6 វាគ្រាន់តែពង្រឹងនូវឱកាសដែលអាចទ្រាំទ្រ មិនបានពង្រឹងលើកម្ពស់នោះទេ។
គេក៏បានធ្វើតេស្តសមត្ថភាពធន់នឹងភាពឆ្កូតរបស់កញ្ចក់ Gorilla Glass Victus ដែលកញ្ចក់នេះមានឆ្កូតបន្តិចប៉ុណ្ណោះពេលរងការឆ្កូតដោយគ្រាប់ពេជ្រ។ ខាងក្រោមជាវីដេអូបង្ហាញអំពីការធ្វើតេស្តលើកញ្ចក់ Gorilla Glass Victus ៖
ក្រុហ៊ុន Corning បានបញ្ជាក់ថា Samsung នឹងជាក្រុមហ៊ុនដំបូងគេដែលបានប្រើប្រាស់នូវកញ្ចក់ Gorilla Glass Victus នេះ គឺនៅលើត្រកូល Galaxy Note20 ដែលនឹងប្រកាសចេញក្នុងពេលឆាប់ៗ៕