ធ្លាក់ខ្លួន! Balotelli ចរចាក្លឹបលីគលំដាប់ទី៣ ដើម្បីបានលេងវិញ

2020-07-24 04:45:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Mario Balotelli កំពុងចរចាជាមួយក្លឹប Como ដែលលីគនៅលីគលំដាប់ទី៣ Serie C របស់អ៊ីតាលី ក្រោយពីរូបគេចែកផ្លូវជាមួយក្រុម Brescia ។

Mario Balotelli

Como ស្ថិតនៅលេខ១៣ឯណោះក្នុងគ្រុប A នៃលីគ Serie C នារដូវកាលនេះ។ ក្លឹបមួយនេះ ត្បិតតែលេងនៅលីគក្រោមមែន ប៉ុន្តែពួកកេមានម្ចាស់ជាសេដ្ឋីប្រាក់វាល់លានឯណោះ។ លោក Robert Budi Hartono សេដ្ឋីកូនកាត់ចិន ឥណ្ឌូណេស៊ី ដែលមានទ្រព្យសម្បត្តិដល់ទៅ១៨ពាន់លានដុល្លារគឺជាម្ចាស់របស់ក្លឹប Como នេះ។ បច្ចុប្បន្នក្លឹបនេះ បានបញ្ជាក់ថាថ្នាក់ដឹកនាំកំពុងតែចរចាជាមួយខ្សែប្រយុទ្ធ Balotelli ដើម្បីនាំយករូបគេមកជួយក្រុម។

លោក Robert Budi Hartono

ការចរចាយកអតីតកីឡាករ Manchester City និង Liverpool មកនេះ គឺដោយសារតែលោក Hartono មានគម្រោងធ្វើយ៉ាងណាឱ្យក្រុម Como អាចឈានជើងឡើងមកលេងនៅលីគកំពូលអ៊ីតាលីបានវិញ នៅប៉ុន្មានឆ្នាំខាងមុខទៀត។ ខណៈដែលពេលនេះ អតីតកីឡាករជម្រើសជាតិអ៊ីតាលី ក៏មិនមានក្លឹបលេងដែរ ក្រោយពីត្រូវ Brescia ដកចេញ៕

ប្រភព៖ Dailymail អត្ថបទ៖ ប្រុស យុទ្ធ