ដឹងតម្រុយពីយុទ្ធសាស្ត្រកំណត់តម្លៃលក់ Galaxy Note20 របស់ Samsung

2020-07-24 07:27:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្រកួល Samsung Galaxy Note20 នឹងចេញជាផ្លូវការនាថ្ងៃទី ៥ ខែសីហាខាងមុខនេះ។ យ៉ាងណាក្ដីមុនការប្រកាសចេញ ដំណឹងអំពីតម្លៃសម្រាប់ទីផ្សារប្រទេសកូរ៉េខាងត្បូងបានលេចចេញលើអ៊ីនធឺណិត ដែលវាមានតម្លៃស្រដៀងនឹងត្រកូល Note10 ដែរ។

ការចុះផ្សាយរបស់សារព័ត៌មានកូរ៉េខាងត្បូង Yonhap បានដកស្រង់ដំណឹងចេញពីឧស្សាហកម្មស្មាតហ្វូន ដែលនិយាយថា Samsung ប្រហែលជាលក់ Galaxy Note20 នៅកូរ៉េក្នុងតម្លៃ ១,១៩៩លានវ៉ុន (ដែលស្មើប្រមាណ ៩៩៨ដុល្លារ) និង Galaxy Note20 Ultra មានតម្លៃ ១,៤៥២លានវ៉ុន (ប្រមាណ ១២០៩ដុល្លារ)។ ប្រភពមិនបានបញ្ជាក់នោះទេថា ១២០៩ដុល្លារ ជាតម្លៃសម្រាប់ទំហំ ២៥៦GB ឬ ៥១២GB នោះ។

គួរដឹងថា Galaxy Note10 កាលពីឆ្នាំមុនលក់តម្លៃប្រមាណ ៩៩២ដុល្លារ នៅកូរ៉េខាងត្បូង ចំណែក Galaxy Note10+ ទំហំ ២៥៦GB មានតម្លៃ ១១៦០ដុល្លារ និងទំហំ ៥១២GB មានតម្លៃប្រមាណ ១២៤០ដុល្លារ។ តម្លៃ Galaxy Note20 នៅប្រទេសដទៃអាចស្រដៀងគ្នានៅកូរ៉េខាងត្បូងដែរ ពោលគឺលក់មិនខុសពី Galaxy Note10 ច្រើនប៉ុន្មានឡើយ៕

ប្រភព៖ Sammobile ប្រែសម្រួល៖ សុខហេង