ឡុង ជិន ប៉ះ ឃីម បូរ៉ា លើកទី១ សន្លប់ដូចកីឡាករមុនៗ ឬអត់?

2020-08-27 04:05:36
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីខេត្តព្រៃវែង ឡុង ជិន នឹងត្រូវដណ្ដើមប្រាក់លានជាមួយ ឃីម បូរ៉ា ជាលើកទី១ នៅរសៀលថ្ងៃសៅរ៍នេះឯសង្វៀន CNC ខណៈអ្នកដែលជួបប្អូនប្រុស ឌីម៉ា ក្រោយៗមកនេះភាគច្រើនសន្លប់មិនចប់ទឹក។ (រូបភាពក្របខាងក្រៅរបស់ Sport Zone)

ឡុង ជិន ហ្វឹកហាត់កន្លងទៅ

ទាក់ទិនទៅហ្នឹងការប្រកួតដណ្ដើមប្រាក់លានរបស់ ឡុង ជិន នេះដែរគ្រូរបស់គេគឺលោក Ricky បានឲ្យដឹងថា កូនសិស្សរបស់ខ្លួនក៏ស្រេកឃ្លានជ័យជម្នះនោះដែរ មិនផ្ដោតលើប្រាក់រង្វាន់ណាស់ណាទេ ប៉ុន្តែចង់បានកិត្តិយស កេរ្តិ៍ឈ្មោះ ដែលធ្លាក់ចុះកន្លងទៅមកវិញ។

គ្រូបង្វឹករបស់ ឡុង ជិន ក៏មិនបានបញ្ជាក់ច្បាស់ថាសិស្សរបស់ខ្លួនគេចពីសន្លប់បាន ឬដាច់ខាតឈ្នះ ឃីម បូរ៉ា នោះទេ គ្រាន់តែដឹងថាឥលូវនេះរូបគេ (ឡុង ជិន) កំពុងប្រឹងប្រែងហ្វឹកហាត់ខ្លាំង ជាពិសេសកម្លាំងស៊ុហ្វនេះតែម្ដងថែមទាំងមានការប្ដេជ្ញាចិត្តធ្វើឲ្យបានល្អផងដែរ។

កីឡាករ ឡុង ជិន

លោក Ricky បន្តថា ឃីម បូរ៉ា គឺល្អទាត់ និងឆក់កែងបានលឿនហើយធ្ងន់ យ៉ាងណាមិញកូនសិស្សរបស់ខ្លួនក៏មានស្នៀតបោះជង្គង់ និងក្បាច់សម្រាប់ទប់ទល់នាការប៉ះគ្នាថ្ងៃសៅរ៍ដែរ។ គ្រូបង្វឹករូបនេះបន្ថែមទៀតថា បូរ៉ា បើចង់ឈ្នះ ឡុង ជិន ក៏មិនងាយដែរ។

រំលឹកដែរថា ឡុង ជិន មិនដែលជួបប្រកួតជាមួយ ឃីម បូរ៉ា ពីមុនមកទេ ហើយការប៉ះគ្នារសៀលថ្ងៃសៅរ៍ ទី២៩ សីហា ២០២០ ជាលើកទី១ ហើយសម្រាប់ពួកគេ។ ឡុង ជិន ជាកីឡាករមកពីក្លឹបខ្លារខិន កូនសិស្សលោក Ricky៕

អត្ថបទ៖ នួន ស៊ីណា