សួន ចាន់នី មួយរយៈនេះគេល្អណាស់ចាំមើលលើកនេះស្គាល់ជាតិឈ្នះពី យ៉េន ឌីណា បានទេ

2020-10-02 03:49:34
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងសាក សួន ចាន់នី មួយរយៈនេះគឺល្អ និងឡើងដៃមែនទែនពោលឈ្នះដៃគូជាបន្តបន្ទាប់មានទាំងសងសឹក មឿន សុខហ៊ុច បានទៀតផង។ ថ្ងៃសៅរ៍នេះត្រូវដណ្ដើមប្រាក់លានក៏ដូចជាសងសឹកជាមួយ យ៉េន ឌីណា ចាំមើលអាចស្គាល់ជាតិឈ្នះវិញបានទេលើកនេះ។ (រូបភាពក្របខាងក្រៅរបស់ Sport Zone)

ចាន់នី ចាញ់ ឌីណា កន្លងទៅ

កីឡាករនៅរាជធានីភ្នំពេញ សួន ចាន់នី ពីមួយប្រកួតទៅមួយប្រកួតសមត្ថភាពវ៉ៃ បច្ចេកទេសនៃការប្រកួតចាប់ផ្ដើមល្អៗទៅហើយនៅពេលនេះ ខណៈរាងកាយវែងៗរបស់គេគឺជាអំណោយផលដ៏ល្អក្នុងការផ្ដល់សម្ពាធទៅដៃគូ។

រូបភាពរបស់ផេក Sport Zone

សួន ចាន់នី ផ្ដួល ឡុង ប៉េនលឿន ឲ្យសន្លប់ សងសឹកបានវិញលើ មឿន សុខហ៊ុច និងបានស្មើ យ៉េន ឌីណា ថ្មីៗនេះខណៈពីមុនមកមិនដែលឈ្នះសោះ។ អ្នកប្រដាល់សំបូរសាករូបនេះ ឥលូវមានស្មារតីប្រយុទ្ធល្អ ចំណែកការចេញស្នៀតវិញក៏បានច្រើនដែរពីមួយទឹកទៅមួយទឹកពោលព្យាយាមវ៉ៃឲ្យអស់ពីសមត្ថភាពតែម្ដង។

រសៀលថ្ងៃសៅរ៍ ទី៣ ខែតុលា ឆ្នាំ២០២០ នេះ សួន ចាន់នី នឹងត្រូវប្រកួតដណ្ដើមប្រាក់លានជាមួយ យ៉េន ឌីណា ចាំមើលថាកីឡាកររូបនេះបន្តឡើងកូដអាចសងសឹក និងយកលុយលាននេះបានទៀតទេ។

អត្ថបទ៖ នួន ស៊ីណា