HTC ថ្មីតម្លៃ ៣០០ដុល្លារ មានថ្មទំហំ 5000mAh កាមេរ៉ា៤គ្រាប់

2020-10-20 02:34:47
ចំនួនមតិ 0 | ចំនួនចែករំលែក 0

ចន្លោះមិនឃើញ

HTC បានបញ្ជាក់ថាខ្លួននៅតែបន្តអាជីវកម្មផលិតស្មាតហ្វូន តាមរយៈការប្រកាសចេញស្មាតហ្វូន Desire 20+ ជាស្មាតហ្វូនលំដាប់ថវិកាមួយ ដែលដំណើរការដោយបន្ទះឈីប Snapdragon 720G។

Desire 20+ មានបំពាក់នូវអេក្រង់ LCD ទំហំ ៦,៥អ៊ីញ មានក្បាលឆករាងដូចជាតំណក់ទឹកសម្រាប់ដាក់កាមេរ៉ា Selfie ទំហំ ១៦MP ដោយអេក្រង់នេះមានកម្រិតបង្ហាញ 720 x 1600 ភីកសែល។ នៅផ្នែកខាងក្រោយមានទ្រនាប់ស្កេនម្រាមដៃ និងកាមេរ៉ាចំនួនបួនគ្រាប់។ កាមេរ៉ាមេមានទំហំ ៤៨MP អមដោយកាមេរ៉ា Ultrawide ទំហំ ៥MP, Sensor វាស់ជម្រៅទំហំ ៥MP និងកាមេរ៉ា Macro ទំហំ ២MP។

Desire 20+ មានបំពាក់ RAM ទំហំ ៦GB និងអង្គផ្ទុកទំហំ ១២៨GB ដែលអាចពង្រីកទំហំបានតាមរយៈរន្ធដោតមេមូរីកាត។ ស្មាតហ្វូននេះក៏មានរន្ធដោតកាស 3.5mm, ថ្មទំហំ 5000mAh និងដំណើរការដោយប្រព័ន្ធប្រតិបត្តិការ Android 10។

HTC ដាក់លក់ស្មាតហ្វូន Desire 20+ នៅតៃវ៉ាន់ក្នុងតម្លៃប្រមាណ ២៩៥ដុល្លារ ដែលនឹងបញ្ចេញលក់នៅថ្ងៃទី២២ ខែតុលា។ មកទល់ពេលនេះនៅមិនទាន់ដឹងថា HTC បញ្ចេញលក់ស្មាតហ្វូននេះលើទីផ្សារសកលឬយ៉ាងណានោះទេ៕

ប្រភព៖ GSMarena ប្រែសម្រួល៖ សុខហេង