កាមេរ៉ាខុសគ្នា ប៉ុន្តែ Galaxy Note20 និង Note20 Ultra បែរជាបានពិន្ទុដូចគ្នាបេះដាក់

2020-11-26 02:56:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជំនាញវាយតម្លៃកាមេរ៉ា DxOMark បានបញ្ចេញលទ្ធផលវាយតម្លៃកាមេរ៉ារបស់ Galaxy Note20 ដែលវាអាចទទួលបានលំដាប់ពិន្ទុសរុបដូចគ្នាបេះដាក់ទៅនឹង Galaxy Note20 Ultra ពោលទទួលបាន ១២០ពិន្ទុ។

ការថតរូបភាពសន្លឹក Note20 អាចទទួលបាន ១២៣ពិន្ទុ, ការ Zoom អាចទទួលបាន ៧៤ពិន្ទុ ហើយការថតវីដេអូអាចទទួលបាន ១០៥ពិន្ទុ។ ចំណុចខ្លាំងខាងផលិតរូបភាពគឺនៅលើ Autofocus, សាច់រូបភាព, ការឲ្យពណ៌, ការថតរូប Zoom ចម្ងាយឆ្ងាយ ដែលសុទ្ធតែស្ទើរទទួលបានពិន្ទុពេញ។ ចំណែកខាងវីដេអូវិញគឺសមត្ថភាពនៃការឲ្យពណ៌, ការកំណត់ Exposure, ការរក្សាលំនឹង និងការគ្រប់គ្រងកម្រិត Noise ជាចំណុចខ្លាំងមួយរបស់ Galaxy Note20។

គួរដឹងថា Galaxy Note20 មានកាមេរ៉ាចំនួនបីគ្រាប់នៅផ្នែកខាងក្រោយ ដោយមានកាមេរ៉ាមេទំហំ ១២MP មាន Aperture f/1.8 ដែលមានមុខងាររក្សាលំនឹង OIS និង PDAF មកជាមួយ។ កាមេរ៉ា Ultrawide មានទំហំ ១២MP មាន Aperture f/2.2 និងកាមេរ៉ា Telephoto មានទំហំ ៦៤MP ជាមួយ Aperture f/2.0 មានមុខងាររក្សាលំនឹង OIS និងមុខងារ PDAF ភ្ជាប់មកជាមួយនឹងឡេនស្រាប់។

ដោយឡែកបើក្រឡេកទៅមើល Galaxy Note20 Ultra វាអាចទទួលបាន ១២២ពិន្ទុសម្រាប់ការថតរូបសន្លឹក, ការថតរូប Zoom បាន ៧៦ពិន្ទុ និងការថតវីដេអូបាន ១០៦ពិន្ទុ ដែលមានពិន្ទុសរុប ១២០ពិន្ទុ។

Galaxy Note20 Ultra មានកាមេរ៉ាមេទំហំ ១០៨MP ដែលមាន Aperture f/1.8 ជាមួយមុខងារ Laser Autofocus, PDAF និងមុខងាររក្សាលំនឹង OIS។ កាមេរ៉ា Telephoto មានទំហំ ១២MP មាន Aperture f/3 ជាមួយមុខងរ PDAF និង OIS ឯកាមេរ៉ា Ultrawide មានទំហំ ១២MP មាន Aperture f/2.2៕

ប្រភព៖ dxomark ប្រែសម្រួល៖ សុខហេង