ម៉ូតូ Honda ADV 150 ដែល​គ្រប់​គ្នា​ស្គាល់​ថា​ជា​ប្រភេទ​ម៉ូតូអូតូបែប Off-road បាន​បង្ហាញ​ខ្លួន​ជា​មួយ​ស៊េរី​ថ្មី​ឆ្នាំ ២០២១ ហើយឥឡូវនេះក្រុមហ៊ុនក៏បានចេញលក់ជាផ្លូវការផងដែរ។

តាម​ប្រភព​ពី​ហាង​មួយ​នៅ​ភ្នំពេញ​បាន​បង្ហាញ​ថា ម៉ូតូ Honda ADV 150 ស៊េរីឆ្នាំ ២០២១ មានតម្លៃខ្ទង់ ៤ ២៥០ដុល្លារ ជាតម្លៃចេញពីក្រុមហ៊ុន មានការធានាត្រឹមត្រូវ ១ឆ្នាំ ឬ ១២ ០០០គីឡូម៉ែត្រ ខណៈ ADV 150 មកពីថៃ មានតម្លៃខ្ទង់ ៤ ៦០០ដុល្លារឯណោះ។

ម៉ូតូនេះមាន​កម្លាំង​ម៉ាសុីន ១៥០សេសេ ដូច​ទៅ​នឹង​ Honda PCX ដែរ ហើយប្រើប្រាស់អំពូលភ្លើងមុខក្រោយ LED, មានកុងទ័របែបឌីជីថលបង្ហាញព័ត៌មានសំខាន់ៗច្រើន, មានធុងសាំងចំណុះ ៨ លីត្រ, មានបច្ចេកវិទ្យា Idling Stop និងប្រើប្រាស់ Smart Key ផងដែរ៕

ចង់ដឹងម៉ូតូ Honda ADV 150 ឆ្នាំ២០២១ មានលក្ខណៈពិសេសបែបណាខ្លះ សូមទស្សនាវីដេអូខាងក្រោម៖

អត្ថបទ៖ សេង ឡុង