ចាញ់ Spurs មែន តែក្រុម Marine បានលុយគ្រប់គ្រាន់ ជួយក្លឹបបន្ដរស់
- 2021-01-11 02:54:04
- ចំនួនមតិ 0 | ចំនួនចែករំលែក 0
ចាញ់ Spurs មែន តែក្រុម Marine បានលុយគ្រប់គ្រាន់ ជួយក្លឹបបន្ដរស់
ចន្លោះមិនឃើញ
ក្រុម Marine បានបរាជ័យក្រោមថ្វីជើងក្រុម Spurs ក្នុងលទ្ធផល ៥-០ សម្រាប់ការប្រកួតពានរង្វាន់ FA Cup កាលពីយប់មិញនេះ។
ត្បិតតែចាញ់និងធ្លាក់ត្រឹមវគ្គនេះមែន ប៉ុន្តែសម្រាប់ថ្នាក់ដឹកនាំក្រុម Marine ពិតជាមានមោទកភាពមែនទែនដែលអាចឡើងដល់វគ្គនេះ នឹងទទួលបានប្រាក់ជាច្រើនសម្រាប់ទ្រទ្រង់ក្លឹបបន្ដឱ្យរស់ទៀត។ លោក Neil Young គ្រូបង្វឹករបស់ក្រុម Marine បាននិយាយថាប្រាក់ដែលបានពីការឡើងដល់ជុំនេះ និងការលក់សំបុត្រសរុបបានដល់ទៅ៣ម៉ឺនសំបុត្រនោះ បានធ្វើឱ្យក្លឹបទទួលបានប្រាក់ច្រើនគួរសម។
ប្រាក់ទាំងអស់នោះ ល្មមសម្រាប់ក្លឹប Marine ដើម្បីបន្ដដង្ហើមក្នុងគ្រាលំបាក កូវីដ១៩នេះហើយ។ សូមបញ្ជាក់ថាក្លឹប Marine នេះ គឺស្ថិតនៅក្របខណ្ឌតំបន់មួយប៉ុណ្ណោះ។ ទីលានរបស់ពួកគេ មានកៅអីអង្គុយមើលតែ៣៨៩កៅអីទេ ដោយក្រៅពីនោះអ្នកគាំទ្រអាចឈរមើលពីខាងក្រៅតែម្ដង៕