អស់ស្ទះហើយ! លុយចំណេញឆ្នាំ ២០២០ របស់ AMD កើនឡើង ៦៣០%

2021-01-27 02:45:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតខួរក្បាលនៃឧបករណ៍បច្ចេកវិទ្យារបស់អាមេរិកឈ្មោះថា AMD ទទួលបានជោគជ័យខ្លាំងស្មានមិនដល់កាលពីឆ្នាំ២០២០ ប្រសិនបើពិនិត្យមើលលទ្ធផលប្រាក់ចំណូលប្រចាំឆ្នាំដែលក្រុមហ៊ុនទើបបានប្រកាសចេញ។

ខាងក្រោមនេះជាលទ្ធផលប្រាក់ចំណូលរបស់ក្រុមហ៊ុន AMD ប្រចាំត្រីមាសទី៤ និងសម្រាប់ពេញមួយឆ្នាំ ២០២០ ផងដែរ ៖

ប្រាក់ចំណូលត្រីមាសទី៤ ឆ្នាំ ២០២០ មានចំនួន ៣ ២៤៤លានដុល្លារ កើនឡើង ៥៣% ធៀបនឹងត្រីមាសទី៤ ឆ្នាំ ២០១៩
ប្រាក់ចំណេញត្រីមាសទី៤ ឆ្នាំ ២០២០ មានចំនួន ១ ៧៨១លានដុល្លារ កើនឡើង ៩៤៨% ធៀបនឹងត្រីមាសទី៤ ឆ្នាំ ២០១៩
ប្រាក់ចំណូលពេញមួយឆ្នាំ ២០២០ មានចំនួន ៩ ៧៦៣លានដុល្លារ កើនឡើង ៤៥% ធៀបនឹងឆ្នាំ ២០១៩
ប្រាក់ចំណេញពេញមួយឆ្នាំ ២០២០ មានចំនួន ២ ៤៩០លានដុល្លារ កើនឡើង ៦៣០% ធៀបនឹងឆ្នាំ ២០១៩

គួរដឹងថាបន្ទះ CPU និង GPU របស់ AMD បានបំពាក់លើឧបករណ៍ PlayStation និង Xbox ជំនាន់ថ្មីគ្រប់ម៉ូដែល។ ក្រុមហ៊ុននេះក៏មាន CPU សម្រាប់កុំព្យូទ័រលើតុ (Desktop) ដែលអាចប្រកួតប្រជែងក្រុមហ៊ុនដទៃបាន។ ចំណែក GPU ដែលផលិតដោយ AMD ក៏មានស្ថិតនៅកម្រិតមួយក្បែរៗនឹង GPU របស់ Nvidia ផងដែរ។ ឆាប់ៗខាងមុខនេះ AMD នឹងធ្វើការប្រកួតប្រជែងក្នុងផ្នែកឡេបថបជាមួយនឹង Intel ផងដែរ ជាមួយ CPU Ryzen 5000 និង GPU RDNA 2 ដែលចេញនៅចុងឆ្នាំនេះ៕

ប្រភព៖ The Verge ប្រែសម្រួល៖ សុខហេង