ជំនាន់កំពុងឡើងខ្លាំង ពេជ្រ សីហា ធ្លាប់ឈ្នះដល់ ជ័យ កុសល់ ទៀតផង

2021-03-25 06:02:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មុខតាន់ ពេជ្រ សីហា កាលវ៉ៃឡើងខ្លាំងអំឡុងឆ្នាំ ២០០៩ ចុះក្រោម សូម្បី ជ័យ កុសល់ ក៏ធ្លាប់មានប្រវត្តិឈ្នះផងដែរ ខណៈអ្នកប្រដាល់ជើងចាស់ច្រើនទៀតដែលរូបគេធ្លាប់ជួបប្រកួតជាមួយ។

ពេជ្រ សីហា និង ពេជ្រ សុផាន់

នេះបើតាមលោក ពេជ្រ សុផាន់ បានបញ្ជាក់ថា ប្អូនប្រុសរបស់លោកគឺ ពេជ្រ សីហា ចូលប្រឡូកប្រដាល់អំឡុងឆ្នាំ២០០៥ និងមានសមត្ថភាពឡើងខ្លាំងជាបន្តបន្ទាប់រហូតបានចេញទៅប្រកួតនៅឯប្រទេសថៃ ឥណ្ឌូណេស៊ី អូស្ត្រាលី ជាដើម។

សីហា ជាកីឡាករឡើងខ្លាំង និងគេទទួលស្គាល់ថាជាអ្នកខ្លាំងមួយរូបផងដែរ ហើយចាប់ផ្ដើមបានវ៉ៃអន្តរជាតិតាំងពីទម្ងន់ ៥៤ គីឡូក្រាមមកម្ល៉េះ។ កីឡាករមុនតាន់រូបនេះចាត់ទុកជាក្មេងដែលឡើងមុនគេ ជំនាន់នោះ កែវ រំចង់ ឡុង សុភី នៅមិនទាន់ល្បីនៅឡើយទេ ខណៈឲ្យតែប្រកួតប៉ះប្អូនប្រុសលោកកម្រ និងឈ្នះណាស់។

ពេជ្រ សីហា កាលនៅប្រកួត

បើនិយាយពីប្រវត្តិប្រកួតវិញ ពេជ្រ សីហា ធ្លាប់ឈ្នះ ជ័យ កុសល់ អ៊ុំង វិរៈ ម៉ឺន សុភា និងកីឡាករជាច្រើនទៀត ប៉ុន្តែលោក ពេជ្រ សុផាន់ មិនបានចាំឈ្មោះ។ មួយវិញទៀតប្អូនប្រុសរបស់លោកក៏ធ្លាប់ឈ្នះខ្សែក្រវាត់១គ្រឿងដែរលើប្រភេទទម្ងន់ ៦០គីឡូក្រាម។

ពេជ្រ សីហា និងរៀមច្បង

រំលឹកដែរថា ពេជ្រ សីហា ជាប្អូនប្រុសរបស់លោក ពេជ្រ សុផាន់ និងជាអតីតជើងខ្លាំងមួយរូបក្នុងវិស័យប្រដាល់គុនខ្មែរ។ សីហា បច្ចុប្បន្នបានឈប់ពីកីឡាឈឺសាច់មួយនេះហើយ និងកំពុងធ្វើការនៅឯខេត្តព្រះសីហនុ៕