រិន ដេវីត និយាយអ្វីខ្លះក្រោយឈ្នះ សុខ រិទ្ធ និង ហ៊ឹម គឹមរៀង យកប្រាក់លាន

2021-03-29 02:11:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករវ័យក្មេង រិន ដេវីត ថាប៉ះគ្នាជាមួយ សុខ រិទ្ធ គឺគេចូលមិនចុះជាមួយខ្លួន ខណៈវគ្គផ្ដាច់ព្រ័ត្រជាមួយ គឹមរៀង ឈ្នះទឹក១ យកប្រាក់លាននៅសង្វៀន TOWN។

រិន ដេវីត (ខៀវ) និង សុខ រិទ្ធ

ដេវីត លើកឡើងក្រោយចប់ការប្រកួតថា ប្រកួតជុំទី១ ជាមួយ សុខ រិទ្ធ គឺដៃគូចូលមិនចុះជាមួយខ្លួននោះឡើយ។ ចំពោះក្បាច់ស្នៀត សុខ រិទ្ធ វិញចេញមួយៗតែធ្ងន់ល្អ ប៉ុន្តែយ៉ាងណាមិនជាថ្វីឡើយសម្រាប់រូបគេ។ ការហ្វឹកហាត់ត្រៀមខ្លួនវិញ ដេវីត ថាហាត់បាន២សប្ដាហ៍ផងដែរ។

ចំណែកជុំទី២ វគ្គផ្ដាច់ព្រ័ត្រយកជើងឯកម៉ារ៉ាតុងជាមួយ ហ៊ឹម គឹមរៀង វិញគឺមិនពិបាកទេ ដោយសារតែឃើញដៃគូឈឺជើងបន្តិចទៅហើយ ដូច្នេះទើបសម្រុកទាត់រហូតខូចជើងនៅទឹកទី១ តែម្ដង។

រិន ដេវីត ឈ្នះប្រាក់លានម្សិលមិញ

រំលឹកដែរថា រិន ដេវីត ប្រកួតម៉ារ៉ាតុងដណ្ដើមប្រាក់លានម្សិលមិញនៅសង្វៀន TOWN ជុំទី១ ឈ្នះពិន្ទុ សុខ រិទ្ធ និងជុំទី២ វគ្គផ្ដាច់ព្រ័ត្រផ្ដួល ហ៊ឹម គឹមរៀង ឲ្យសន្លប់ក្នុងទឹកទី១ ទទួលបានប្រាក់រង្វាន់ ៣,៤០០,០០០៕

វីដេអូប្រកួត៖

អត្ថបទ៖ នួន ស៊ីណា