ចន្ទ្រា៖ ឡៅ សៃណេត អនាគតអាចក្លាយជាកីឡាករជួរមុខព្រោះ...

2021-04-19 07:35:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងមកពីឆត្រយោង ៩១១ ឡៅ ចន្ទ្រា ថាក្មួយប្រុសរបស់ខ្លួនគឺ ឡៅ សៃណេត អនាគតអាចនឹងក្លាយជាកីឡាករជួរមុខម្នាក់នៅកម្ពុជា ព្រោះល្អស្នៀតជង្គង់ និងកែងតែម្ដង។

ឡៅ ចន្ទ្រា និងក្មួយ

ចន្ទ្រា បានឲ្យដឹងថា បើឥលូវនេះ សៃណេត គឺនៅមានបទពិសោធតិចតួចទេ មិនទាន់ល្អណាស់ណាឡើយ។ ប៉ុន្តែរាល់ពេលគេឡើងគឺប្រកួតអស់ៗតែម្ដង និងចំណុចល្អមួយទៀតព្យាយាមចេញបានច្រើន។

តាមជាក់ស្ដែងឥលូវនេះ ឡៅ សៃណេត ល្អស្នៀតជង្គង់ និងកែង ហើយមានពេលវេលាច្រើនទៀតដែលគេអាចហ្វឹកហាត់ក៏ដូចជាពង្រឹងសមត្ថភាពខ្លួន។ ចំពោះអនាគតនៅពេលខាងមុខ ចន្ទ្រា សម្លឹងឃើញ សៃណេត អាចនឹងស្នងត្រកូល ឡៅ ក្លាយជាកីឡាករជួរមុខម្នាក់ផងដែរ។

ឡៅ សៃណេត ប្រកួតកន្លងទៅ(ក្រហម)

រំលឹកដែរថា ឡៅ សៃណេត ជាក្មួយប្រុសរបស់ ឡៅ ចន្ទ្រា និងជាសិស្សគុនមកពីក្លឹបឆត្រយោង ៩១១។ កីឡាករវ័យក្មេងរូបនេះកំពុងតែល្បីឈ្មោះលើប្រភេទទម្ងន់ស្រាលម្នាក់ផងដែរលើសង្វៀនក្នុងស្រុកនាពេលបច្ចុប្បន្ន៕

វីដេអូប្រកួតកន្លងទៅរបស់ ឡៅ សៃណេត៖