ប្រធានាធិបតី ហ្វីលីពីន លោក រូ៉ឌ្រីហ្គោល ឌូទ័រតេ បានចាក់វ៉ាក់សាំងការពារកូវីដ ដូសទី១ រួចរាល់ហើយ កាលពីថ្ងៃច័ន្ទ ម្សិលមិញ។ នេះបើតាមការចេញផ្សាយដោយ CNA នៅថ្ងៃទី៤ ខែឧសភា ឆ្នាំ២០២១។

លោក ឌូទ័រតេ បានជ្រើសយកវ៉ាក់សាំង សុីណួហ្វាម របស់ប្រទេសចិនក្នុងការចាក់ការពារខ្លួនលោក ពីវីរុសកូវីដ ដោយបានធ្វើការអំពាវនាវទៅដល់ពលរដ្ឋ ហ្វីលីពីន ទាំងអស់ឱ្យមកទទួលយកការវ៉ាក់សាំងនេះដែរ។ ប្រធានាធិបតីវ័យ ៧៦ឆ្នាំរូបនេះ បាននិយាយថា " ខ្ញុំសប្បាយចិត្តដែលបានចាក់វ៉ាក់សាំង សុីណូហ្វាម ដូសទី១នេះ ព្រោះការរំពឹងទុករបស់ខ្ញុំពេលនេះបានក្លាយជាការពិត'’ ។

ប្រទេសអាស៊ានមួយនេះ មានគម្រោងចាក់វ៉ាក់សាំងការពារកូវីដទៅដល់ប្រជាជនខ្លួន ក្នុងរង្វង់ប្រមាណ ៧០លាននាក់ឱ្យបានរួចរាល់នៅក្នុងឆ្នាំ ២០២១នេះ៕

ប្រភព៖ Channelnewsasia   ប្រែសម្រួល ៖ សង្ហា