ក្រៅពីភាពងាយស្រួលប្រើប្រាស់របស់ ប្រព័ន្ធប្រតិបត្តិការ iOS វាក៏នៅ​មានមុខងារពិសេសៗផ្សេង​ទៀត ដើម្បីជាជំនួយដល់អ្នកទៅតាមស្ថានភាពផ្សេងៗគ្នា។

• ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

ដូចនេះ យើងនឹងណែនាំអ្នកនូវមុខងារចំនួនពីរ បន្ទាប់ពីអ្នកប្រើប្រាស់វារួច នឹងយល់ថាដូចមានជំនួយការមួយចាំប្រាប់ និងធ្វើការជំនួសអ្នកដូច្នោះដែរ។ មុខងារទាំងនោះរួមមាន៖

១. Sound Recognition ជាមុខងារស្ដាប់សំឡេង ដើម្បីជំនួយដល់អ្នកប្រើប្រាស់ ខណៈពួកគេមិនអាចឮអ្វីផ្សេងៗបាន ដូចជាកំពុងពាក់កាសស្ដាប់ មិនអាចឮអ្វីដែលកំពុងកើតឡើងនៅជុំវិញខ្លួនជាដើម។

មុខងារនេះមានលទ្ធភាពស្ដាប់សំឡេងសំខាន់ជាច្រើននៅជុំវិញខ្លួនអ្នក ដូចជាសំឡេងឆ្កែព្រុស សំឡេងគោះទ្វារ សំឡេងកណ្ដឹង ឬសំឡេងប្រកាសអាសន្នផ្សេងៗជាដើម ដោយវានឹងលោតប្រាប់អ្នកលើ iPhone ថាមានសំឡេងអ្វីកំពុងកើតឡើង។

ដើម្បីបើកមុខងារនេះ សូមចូលទៅកាន់៖

• កម្មវិធី Setting > Accessibility > Sound Recognition > ចុចបើកមុខងារ Sound Recognition ជាការស្រេច

មុខងារនេះផងដែរ នឹងផ្ទុកទិន្នន័យសំឡេងមួយចំនួនលើ iPhone របស់អ្នក ព្រោះភាពវៃឆ្លាតសម្គាល់សំឡេងទាំងនេះ នឹងអាចដំណើរការដោយគ្មានអ៊ីនធឺណិតបានផងដែរ។

២. Voice Control មុខងារបញ្ជារ iPhone ដោយប្រើតែសំឡេង។ អ្នកអាចប្រើមុខងារនេះឱ្យបើកកម្មវិធីណាមួយ, អូសកម្មវិធីចុះក្រោម, ត្រលប់មកផ្ទាំង Home scree, បិតអេក្រង់ ឬ បញ្ជារឱ្យថតរូប screenshot ជាដើម។

ដើម្បីបើកមុខងារនេះ សូមចូលទៅកាន់៖

• កម្មវិធី Setting > Accessibility > Voice Control > ចុចយក Set up Voice Control និងជ្រើសយក Done ជាការស្រេច។

ទាំងនេះជាពាក្យគន្លិះមួយចំនួន ដើម្បីបញ្ជារផ្សេងៗតាមរយៈសំឡេងរបស់អ្នក៖

ប្រភព៖ idropnews   ប្រែ​សម្រួល៖ កុសល