២ឆ្នាំចុងក្រោយនេះអតីតអ្នកប្រដាល់ MMA ប៊ុនស្រ៊ន់ លក់កូនក្រញូងអស់ ៤០ម៉ឺនដើម

2021-05-07 09:19:37
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកប្រដាល់ក្នុងទ្រុង ឬគុនចម្រុះ MMA របស់កម្ពុជា ស៊ឹម ប៊ុនស្រ៊ន់ ត្រឹម២ឆ្នាំចុងក្រោយនេះលក់កូនក្រញូងហៃណានអស់ប្រហែល ៤០ម៉ឺនកូន ខណៈរូបគេលើកទឹកចិត្តឲ្យពលរដ្ឋស្រឡាញ់ធម្មជាតិ។

ស៊ឹម ប៊ុនស្រ៊ន់

ស៊ឹម ប៊ុនស្រ៊ន់ បានឲ្យដឹងថា ឥលូវនេះមានការមមាញឹកច្រើនក្នុងការផ្គត់ផ្គង់កូនឈើដល់អតិថិជនដូចជាការបណ្ដុះថ្មី និងការដឹកជញ្ជូនឲ្យភ្ញៀវជាដើម។ ចំពោះកូនឈើ ឬដំណាំដែលលក់ចេញបានច្រើននៅពេលនេះគឺក្រញូងហៃណាន និងដូងក្រអូប។

អតីតអ្នកប្រដាល់ MMA រូបនេះបន្ថែមទៀតថា បើគិតទៅត្រឹម២ឆ្នាំចុងក្រោយនេះខ្លួនលក់ក្រញូងបានប្រហែល ៤០ម៉ឺនកូនឯណោះ ហើយឆ្នាំនេះកំពុងធ្វើកូនប្រហែល១លានដើមទៀត។

រូបភាពលើហ្វេសបុក ប៊ុនស្រ៊ន់

ប៊ុនស្រ៊ន់ មានចិត្តសប្បាយរីករាយនៅពេលឃើញពលរដ្ឋមួយចំនួនស្រឡាញ់ដើមឈើ ស្រឡាញ់ធម្មជាតិ និងចាប់ដើមទិញយកទៅដាំដុះជាបន្តបន្ទាប់ផ្សេងគ្នាបែបនេះ។ រូបគេក៏លើកទឹកចិត្តឲ្យពលរដ្ឋងាកទៅជួយរក្សាក៏ដូចជាដាំដុះនូវដើមឈើនានា ព្រោះដើមឈើមានសារសំខាន់សម្រាប់ជីវិតមនុស្ស និងភពផែនដីដើម្បីឲ្យសំបូរព្រៃឈើឡើងវិញផងដែរ។

កសិដ្ឋាន ប៊ុនស្រ៊ន់

បញ្ជាក់ដែរថា ស៊ឹម ប៊ុនស្រ៊ន់ ជាអតីតអ្នកប្រដាល់គុនចម្រុះរបស់កម្ពុជា និងធ្លាប់ប្រឡូកក្នុងអន្តរជាតិ ONE ផងដែរនាពេលកន្លងទៅ។ បច្ចុប្បន្នអតីតអ្នកប្រដាល់រូបនេះមានកសិដ្ឋានអភិវឌ្ឍន៍កសិកម្មមួយកន្លែងនៅ ភូមិស្គន់ ឃុំសូទិន ស្រុកជើងព្រៃ ខេត្តកំពង់ចាម។ បើសិនមានអ្នកចង់បានកូនឈើអាចទាក់ទងគេបាន 078 70 17 70 ឬតាមហ្វេសបុក Sim Bunsrun ៕

អត្ថបទ៖ នួន ស៊ីណា