ស្នេហាសម័យកូវីដរបស់ Ariana Grande ជោគជ័យដល់បានរៀបការជាមួយនឹងគូស្នេហ៍ជាស្ថាពរ

2021-05-18 06:14:30
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងអាមេរិកវ័យ ២៧ឆ្នាំ Araina Grande បានសម្រេចភ្ជាប់ចំណងអាពាហ៍ពិពាហ៍ជាមួយនឹងគូស្នេហ៍របស់ខ្លួនហើយគឺ Dalton Gomez នៅចំពោះមុខអ្នកចូលរួមក្រោម ២០នាក់ កាលពីចុងសប្ដាហ៍កន្លងទៅនេះ។

ពិធីមង្គលការបែបឯកជន ជាលក្ខណៈគ្រួសារនេះ រៀបចំនៅគេហដ្ឋានរបស់តារាស្រីរូបនេះ ក្នុងរដ្ឋ California។ នេះបើតាមឲ្យដឹងពីវិបសាយ TMZ បង្ហើប។

បើទោះបីជាមង្គលការតូចតាច ប៉ុន្តែពោរពេញទៅដោយក្ដីស្រឡាញ់ ពេលវេលារីករាយ និងមានក្ដីសុខបំផុតទាំងកូនកំលោះកូនក្រមុំ និងគ្រួសារទាំងសងខាង។

គិតមកដល់ពេលនេះមានរយៈពេល ១ឆ្នាំជាងហើយដែលពួកគេបានទាក់ទងគ្នា ស្ងាត់ៗ ស្របពេលមេរោគកូវីដ១៩ ក៏ផ្ទុះខ្លាំង ដូចនេះពួកគេមិនអាចទៅណាឆ្ងាយពីផ្ទះបាន ជាហេតុក្រុមអ្នកប្រម៉ាញ់រូប មិនមានឱកាសក្នុងការចាប់យកសកម្មភាពណាត់ជួបគ្នានៅទីសាធារណៈបានដូចមុន៕