ហេង ទីណា ៖ ទោះលំបាកយ៉ាងណាក៏ត្រូវតែប្រឹឹងប្រែងដើម្បីកៅអីជម្រើសដំបូង

2021-05-19 07:39:50
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនវ័យ២១ឆ្នាំរបស់ណាហ្គា ហេង ទីណា បានប្ដេជ្ញាចិត្តប្រឹងប្រែងឲ្យអស់លទ្ធភាព ដើម្បីបានតំណែងកៅអីជម្រើសដំបូងក្នុងរដូវកាលនេះ។

ខ្សែបម្រើការពារអតីតយុវជនរបស់សាលាបាល់ទាត់ជាតិបាទីរូបនេះបានឲ្យដឹងថា ការប្រជែងកៅអីជម្រើសដំបូងនៅណាហ្គាជារឿងពិបាកខ្លាំង ដោយសារក្លឹបនេះសម្បូរទៅដោយកីឡាករមានបទពិសោធ និងសុទ្ធតែល្អៗ។ ទោះជាបែបនេះរូបគេមិនបោះបង់ឡើយ ពោលគឺបានប្ដេជ្ញាចិត្តរួចហើយថា នៅតែបន្តប្រឹងប្រែងគ្រប់ពេលវេលា ដើម្បីអាចមានឱកាសបានលេងជម្រើសដំបូង ដែលជាទិសដៅអាចឈានទៅជាប់ជម្រើសជាតិឈុតធំ។

រដូវកាលមុនៗ ទីណា បានលេងជារើយៗតាំងពីចូល ណាហ្គា ចុងឆ្នាំ២០១៨ ក្រោយពេលចេញពីបាទី។ ប៉ុន្តែរដូវកាលនេះ ៤ ប្រកួតដែលចាប់ផ្ដើមគឺមិនទាន់អាចបង្ហាញខ្លួនឡើយ៕

អត្ថបទ៖ ស្រី សុវណ្ណដារ៉ា