គូនេះដឹងតែជក់ចិត្តហើយស្អែក សុខ រិទ្ធ ប៉ះ កាន់ ម៉េងហុង

2021-05-20 02:07:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករកំពុងឡើងកូដ កាន់ ម៉េងហុង ថាស្អែកនេះនឹងប្រឹងធ្វើឲ្យអស់សមត្ថភាព លទ្ធផលយ៉ាងណាក៏ព្រមទទួលយកដែរនាជំនួបមិត្តភាពជាមួយសិស្សច្បង សុខ រិទ្ធ លើសង្វៀនគូបូតា នៅបាយ័ន។

ការលើកឡើងរបស់ កាន់ ម៉េងហុង

ដូចទៅនិងការផ្សព្វផ្សាយតាមបណ្ដាញសង្គមអីចឹង ពោលសង្វៀនគូបូតាយប់ស្អែកនេះគឺមានការប៉ះគ្នារវាងជើងខ្លាំងមកពីជាយដែន សុខ រិទ្ធ និងកីឡាករកំពុងឡើងកូដ កាន់ ម៉េងហុង។ ក្នុងនោះដែរ ម៉េងហុង បានលើកឡើងក្នុងហ្វេសបុករបស់ខ្លួនថា **«ជួបគ្នាថ្ងៃស្អែកចាប់ពីយប់ម៉ោង ៧តទៅ ជាការប្រកួតដកស្រង់បច្ចេកទេស ទោះឈ្នះ ឬចាញ់ខ្ញុំទទួលយកទាំងអស់ ស៊ូៗ»។**

កម្មវិធីប្រកួតគូបូតា (រូបភាព Bayon Kun Khmer boxing)

បើនិយាយពីបទពិសោធ និងបច្ចេកទេសគឺ សុខ រិទ្ធ ហាក់មានប្រៀបជាង ម៉េងហុង ប៉ុន្តែសិស្សគុននៃក្លឹបនាគរាជចតុមុខរូបនេះសមត្ថភាពក៏មិនធម្មតា និងកំពុងឡើងកូដផងដែរថ្មីៗនេះឈ្នះ ហ៊ឹម សេរី សន្លប់ទៀតផង។ យ៉ាងណាមានតែរង់ចាំមើលថា នរណាជាអ្នកឈ្នះនាការប្រកួតនៅសង្វៀនបាយ័ន កម្មវិធីគូបូតា យប់ម៉ោង៧ ស្អែកនេះតទៅ៕

អត្ថបទ៖ នួន ស៊ីណា