Honda ៖ អ្នកមិនបានជ្រើសរើសលើកនេះ កុំអន់ចិត្តដរាបណាអ្នកនៅបន្តប្រឹងប្រែង

2021-05-24 07:36:04
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការក្រុមគោព្រៃកម្ពុជា Keisuke Honda បាននិយាយថា សម្រាប់អ្នកដែលមិនត្រូវបានជ្រើសរើសលើកនេះ សូមកុំទាន់អន់ចិត្តដរាបណា អ្នកនៅបន្តប្រឹងប្រែង អ្នកនៅតែមានឱកាសសម្រាប់ការជ្រើសរើសលើកក្រោយៗ។

កាលពីព្រឹកមិញនេះសហព័ន្ធកីឡាបាល់ទាត់កម្ពុជា បានប្រកាសបញ្ជីឈ្មោះកីឡាករបាល់ទាត់ជម្រើសជាតិចំនួន ២៤ នាក់សម្រាប់ការចូលរួមប្រកួតព្រឹត្តិការណ៍ FIFA World Cup Qatar 2022 វគ្គជម្រុះជុំទី២ ពូល C នៅទឹកដីកណ្ដាលប្រទេសបារ៉ែន។ ក្នុងការជ្រើសរើសនេះអ្នកចាត់ការក្រុមជម្រើសជាតិកម្ពុជា Honda បានឲ្យដឹងថា ការជ្រើសរើសលើកនេះលោកផ្ដោតចំពោះកីឡាករយុវជន ហើយ នឹងព្យាយាមដាក់ឲ្យកីឡាករបានលេងគ្រប់ៗគ្នាតាមដែលអាចធ្វើទៅបាន។ យ៉ាងណាលោកក៏សូមលើកទឹកចិត្តដល់អ្នកដែលមិនត្រូវបានជ្រើសរើសលើកនេះឲ្យបន្តការប្រឹងប្រែង។

កម្មវិធីប្រកួត៖

បារ៉ែន v កម្ពុជា នៅថ្ងៃទី៣ ខែមិថុនា ឆ្នាំ២០២១

អុីរ៉ាក់ v កម្ពុជា នៅថ្ងៃទី៧ ខែមិថុនា ឆ្នាំ២០២១

កម្ពុជា v អុីរ៉ង់ នៅថ្ងៃទី១១ ខែមិថុនា ឆ្នាំ២០២១