គូសងសឹក លន បញ្ញា និង យ៉េន ឌីណា ដឹងតែល្អមើលហើយខណៈសិស្សប្អូនកំពុងឡើងកូដផង

2021-05-27 02:18:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរដើមកំណើតខេត្តព្រៃវែង លន បញ្ញា នឹងត្រូវតទល់ជាមួយរៀមច្បងចាស់វស្សា យ៉េន ឌីណា ស្អែកនេះនៅសង្វៀនគូបូតា ជាថ្មីខណៈពីមុនមានចាញ់ឈ្នះម្ដងម្នាក់។

កម្មវិធីប្រកួត (រូបភាពផេក បាយ័នគុនខ្មែរ)

គូនេះនឹងធ្វើឲ្យទស្សនាជក់ចិត្តមិនខាន ព្រោះកីឡាករ លន បញ្ញា ឲ្យតែឡើងប្រកួតដឹងតែវ៉ៃអស់ពីសមត្ថភាពហើយ ស្របពេលដែលឥលូវនេះសមត្ថភាពរបស់គេមានការរីកចម្រើនខ្លាំង។ ដូចប្រិយមិត្តដឹងស្រាប់ហើយ បញ្ញា បានយកឈ្នះ យ៉េន ឌីណា នៅសង្វៀន PNN កន្លងទៅ ហើយថ្មីៗនេះអាចយកឈ្នះ ផល សោភ័ណ្ដ ដោយវ៉ៃឲ្យសន្លប់ទៀតផង។

កីឡាករ លន បញ្ញា

បើទោះធ្លាប់ឈ្នះចាញ់គ្នាកន្លងទៅក្ដី ប៉ុន្តែខ្លាចាស់ យ៉េន ឌីណា នៅតែគ្រោះថ្នាក់ និងមិនអាចប្រហែសជាមួយរូបគេបានឡើយ។ កូនសិស្សលោក អេ ភូថង នេះរូបនេះឈ្នះស្ទើរតែគ្រប់ប្រកួតទៅហើយបច្ចុប្បន្ននេះជាពិសេសនៅសង្វៀន CNC សូត្រ ប៊ុនធី ឡុង ប៉េងលឿន ឡុង សំណាង សុទ្ធតែមិនអាចឈ្នះ។ ឌីណា ជាកីឡាករវ៉ៃក្បាច់ វ៉ៃមិនប្ដូរ វ៉ៃរកពិន្ទុ។

រង់ចាំមើលទាំងអស់គ្នានរណាជាអ្នកទទួលបានជ័យជម្នះនាការប្រកួតយប់ស្អែកចាប់ពីម៉ោង ៧តទៅនៅសង្វៀនបាយ័ន៕

អត្ថបទ៖ នួន ស៊ីណា