សែន រ៉ាដេត និយាយបែបនេះក្រោយចៅក្រមឲ្យចាញ់ រិន ដេវីត...

2021-05-31 00:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរមកពីខេត្តកោះកុង សែន រ៉ាដេត ថាចាញ់ ឬឈ្នះ វាគ្មានឥទ្ធិពលមកលើឆន្ទៈខ្លួននោះទេវាជារឿងធម្មតាទៅហើយមានចាញ់ មានឈ្នះ។

ការលើកឡើងរបស់ រ៉ាដេត

នេះបើតាមការបង្ហោះនៅលើហ្វេសបុកផេករបស់ សែន រ៉ាដេត កាលពីថ្ងៃសៅរ៍ ទី២៩ ឧសភា ២០២១ យ៉ាងដូច្នេះថា **«សូមអរគុណសម្រាប់ការគាំទ្រ និងលើកទឹកចិត្តរបស់បងប្អូនទាំងអស់គ្នា ចាញ់ ឬឈ្នះវាគ្មានឥទ្ធិពលមកលើឆន្ទៈយើងនោះទេ វាជារឿងធម្មតាទៅហើយ មានចាញ់ មានឈ្នះ»។**

កាលពីថ្ងៃសៅរ៍នោះពេលប្រកាសលទ្ធផលគេឃើញ រ៉ាដេត មានការស្រឡាំងកាំងផងដែរនៅពេលដែលចៅក្រមដាក់ពិន្ទុឲ្យរូបគេចាញ់ក្នុងការប្រកួតដណ្ដើមប្រាក់លានជាមួយកីឡាករ រិន ដេវីត។ ចំពោះការប្រកួតនោះដែរគេឃើញថាប្អូនប្រុសរបស់ សែន រ៉ាឌី ខាងលើនេះពិតជាខំប្រឹងខ្លាំង និងដើរបុកចូលវ៉ៃទាំង៥ទឹកតែម្ដង។

សែន រ៉ាដេត និងមិត្តរួមក្លឹប

រំលឹកដែរថា ការដំឡើងទម្ងន់ទៅ៥៤គីឡូក្រាមនៅប្រកួតទី១ របស់ សែន រ៉ាដេត កាលពីថ្ងៃសៅរ៍ ទី២៩ ខែឧសភា ២០២១ គឺចាញ់ពិន្ទុ រិន ដេវីត ដោយមិនឯកច្ឆន្ទ ៤-១។ ការប្រកួតនេះធ្វើឡើងនៅឯសង្វៀន CNC កម្មវិធីខារ៉ាបាវ ហើយ រិន ដេវីត ជាម្ចាស់ប្រាក់លាន៕

អត្ថបទ៖ នួន ស៊ីណា