លម្អិត! រឿង Nike ចោទ Neymar ថាបង្ខំបុគ្គលិកស្រីខ្លួន ឱ្យរួមភេទតាមមាត់ (Oral s*x)

2021-05-31 03:48:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃមកនេះ ក្រៅពីរឿង UEFA Champions League ហើយ ក៏នៅមានរឿងរបស់ Neymar មួយទៀតជាមួយក្រុមហ៊ុន Nike ផ្ទុះការចាប់អារម្មណ៍ខ្លាំងណាស់ដែរ។

រឿងនេះកើតចេញពីខាងក្រុមហ៊ុន Nike ជាអ្នកបញ្ចេញមក ដោយពួកគេបានអះអាងថាការផ្ដាច់កុងត្រាជាមួយ Neymar គឺដោយសារតែខ្សែប្រយុទ្ធ PSG រូបនេះមិនព្រមសហការឱ្យមានការសើបអង្កេតច្បាស់លាស់មួយទាក់ទងទៅនឹងរឿងកាលពីឆ្នាំ២០១៦។ ដោយគ្រានោះ Nike បានចោទទៅ Neymar ថាបានបង្ខំបុគ្គលិករបស់ខ្លួនដែលជាអ្នកសម្របសម្រួលម្នាក់ ឱ្យរួមភេទដោយប្រើមាត់ ក្នុងបន្ទប់សណ្ឋាគារនៅ New York សហរដ្ឋអាមេរិក។ ប៉ុន្តែត្រូវបានគេលាក់ជិត រហូតដល់ឆ្នាំ២០១៨ជិតចូល២០១៩ ទើបនាងចង់បានយុត្តិធម៌ និងក្រុមហ៊ុន Nike ចង់ឱ្យ Neymar ចូលរួមដើម្បីដោះស្រាយរឿងនេះ។

តែយ៉ាងណា កីឡាករប្រេស៊ីលបានច្រានចោល និងមិនព្រមចូលរួមនោះទេ។ កត្ដានេះហើយ ទើបបានជាក្រុមហ៊ុន និងកីឡាករល្បីឈ្មោះរូបនេះ បានសម្រេចចិត្តចែកផ្លូវគ្នា មិនបន្ដកុងត្រាទៀតនោះទេ។ Neymar បានអះអាងថានេះគ្រាន់តែជាបញ្ហារបស់ Nike ដែលព្យាយាមលើកមក ក្នុងន័យចំណេញពាណិជ្ជកម្មប៉ុណ្ណោះ។ អតីតកីឡាករ FC Barcelona បានបញ្ជាក់ទៀតថារូបគេមិនស្គាល់នាងឡើយ ឬក៏បាននិយាយអ្វីជាមួយនាងនោះទេ។

រំលឹកថានៅឆ្នាំ២០១៩កន្លងទៅ Neymar ក៏មានរឿងអាស្រូវរំលោភផ្លូវភេទមួយកើតឡើងនៅសណ្ឋាគារក្រុងបារីសផងដែរ។ ដោយកាលនោះ ជាមួយតារាម៉ូដែលម្នាក់ និងថែមទាំងធ្លាយដល់វីដេអូថែមទៀតផង។ តែក្រោយមក ក៏ត្រូវលើកលែងវិញ ដោយសារតែខ្វះភស្ដុតាង ហើយបែរទៅជាចោទម៉ូដែលស្រីនោះថាចង់បង្កាច់បង្ខួចឈ្មោះរបស់ Neymar និងព្យាយាមចង់បានប្រាក់ទៅវិញ៕

ប្រភព៖ Reuters អត្ថបទ៖ ប្រុស យុទ្ធ