ម្នាក់ទៀតហើយ! យប់មិញ Pavard សន្លប់១៥វិនាទី ក្រោយបុកគ្នាជាមួយកីឡាករអាល្លឺម៉ង់
- 2021-06-16 03:34:40
- ចំនួនមតិ 0 | ចំនួនចែករំលែក 0
ម្នាក់ទៀតហើយ! យប់មិញ Pavard សន្លប់១៥វិនាទី ក្រោយបុកគ្នាជាមួយកីឡាករអាល្លឺម៉ង់
ចន្លោះមិនឃើញ
ខ្សែការពារស្ដាំ Benjamin Pavard បាននិយាយថា គេបានសន្លប់ប្រមាណ១៥វិនាទី បន្ទាប់ពីប៉ះទង្គិចក្នុងជំនួបបារាំងឈ្នះអាល្លឺម៉ង់ ១-០ កាលពីយប់មិញ។
Pavard បានប៉ះទង្គិចបុកគ្នាជាមួយកីឡាករ Robin Gosens និងត្រូវបានក្រុមគ្រូពេទ្យយកទៅពិនិត្យព្យាបាលប៉ុន្មាននាទី ខណៈការប្រកួតបានផ្អាកបន្តិច។ ក្រោយពិនិត្យរួចរាល់ Pavard ត្រូវបានអនុញ្ញាតឲ្យលេងបន្តទៀត រហូតដល់ចប់៩០នាទីពេញ។
ប៉ុន្តែក្រោយការប្រកួតចប់ កីឡាកររបស់ Bayern Munich រូបនេះបានប្រាប់សារព័ត៌មានថា គេបានសន្លប់ប្រហែល១០-១៥វិនាទី។ តែក្រោយមកក៏មានអារម្មណ៍ធូរស្រាលអាចលេងបានវិញ។
មានអ្នកគាំទ្រជាច្រើនបានបញ្ចេញមតិលើបណ្ដាញសង្គម ចង់ឲ្យកីឡាករវ័យ២៥ឆ្នាំប្ដូរសម្រាកសិន ព្រោះតែមានបញ្ហាធំជាងនេះ។ មេរៀន Cristian Eriksen កីឡាកររបស់ដាណឺម៉ាកមានបញ្ហាបេះដូងដួលលើទីលាន បានកើតជាក្ដីបារម្ភដល់កីឡាករគ្រប់គ្នា។ កត្តានេះការពង្រឹងផ្នែកសុខភាពលើទីលានត្រូវបានគេគិតគូយ៉ាងហ្មតចត់ក្នុងព្រឹត្តិការណ៍ Euro ២០២០៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
