ម៉ារ៉ាតុងដណ្ដើមប្រាក់លានសប្ដាហ៍នេះនៅ TOWN កក្រើកហើយ សែន រ៉ាដេត សុខ រិទ្ធ

2021-06-24 02:57:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតម៉ារ៉ាតុងដណ្ដើមប្រាក់លាននៅសង្វៀន TOWN ថ្ងៃអាទិត្យច្បាស់ជាកក្រើក ខណៈបេក្ខភាពមានសុទ្ធតែជើងខ្លាំងដូចជា សែន រ៉ាដេត សុខ រិទ្ធ សាន សំអុន និង យ៉ន ពិសី ជាដើម។

បេក្ខភាពទាំង៤នាក់(រូបភាពផេក TOWN)

ចំពោះការប្រកួតសប្ដាហ៍នេះដែលមានគេចាប់អារម្មណ៍ខ្លាំងនោះគឺវត្តមានជើងខ្លាំង សែន រ៉ាដេត និង សុខ រិទ្ធ តែម្ដងព្រោះម្នាក់ៗជាកីឡាករដែលមានស្នៀតប្រយុទ្ធល្អ និងកេរ្តិ៍ឈ្មោះល្បី។

សម្រាប់បេក្ខភាពទាំង៤នាក់ខាងលើនេះមិនទាន់ដឹងថានរណានឹងប៉ះនរណានោះទេ ពោលត្រូវចាប់ឆ្នោតនៅថ្ងៃប្រកួតនោះតែម្ដង។ យ៉ាងណាបេក្ខភាព២រូបទៀតដូចជា យ៉ន ពិសី ក៏មិនអាចមើលស្រាលបានដែរទាំងសមត្ថភាព បទពិសោធគឺមានគ្រប់គ្រាន់។

រ៉ាដេត ប្រកួតពីមុន

រង់ចាំមើលថាតើជើងខ្លាំងក្នុងចំណោម សែន រ៉ាដេត សុខ រិទ្ធ មួូយណាអាចដណ្ដើមប្រាក់លានបានដែរទេថ្ងៃអាទិត្យ ឬមួយអត់ទាំង២នាក់។ ការប្រកួតម៉ារ៉ាតុងដណ្ដើមប្រាក់លាននៅសង្វៀន TOWN នេះនឹងធ្វើឡើងនៅថ្ងៃអាទិត្យ ទី២៧ មិថុនា ២០២១ ចាប់ពីម៉ោង៤ល្ងាចតទៅ៕

អត្ថបទ៖ នួន ស៊ីណា