ម៉េងហ៊ួង ខានហាត់លើខ្សាច់យូរ២សប្ដាហ៍ទៅ១ខែទើបលោតបានវិញ

2021-06-28 08:26:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ធី ម៉េងហ៊ួង ស្មាត់វ័យក្មេងរបស់ក្រសួងមហាផ្ទៃ និងជម្រើសជាតិឆ្នេរខ្សាច់បានរៀបរាប់ថា ខ្លួនខានហាត់លើខ្សាច់មួយរយៈពេលវែងហើយ ការខកខានហាត់បែបនេះពេលទៅហាត់លើខ្សាច់វិញត្រូវចំណាយពេលពី២សប្ដាហ៍ទៅ១ខែទើបលោតបានវិញ។

ធី ម៉េងហ៊ួងទី២រាប់បីឆ្វេង

ស្មាត់មកពីខេត្តកណ្ដាលរូបនេះបានឲ្យដឹងថា បញ្ហាការលោតសំខាន់ណាស់លើខ្សាច់ ការខាតហាត់លោតលើវាពេលត្រឡប់ទៅវិញលោតមិនរួចដូចពីមុនឡើយ។ យ៉ាងហោចត្រូវចំណាយពេល២សប្ដាហ៍ទើបលោតបានខ្ពស់វិញ និងអាចវ៉ៃបានល្អដូចមុន។

ចំណែកបញ្ហាកម្លាំងវិញត្រូវការពេលដល់១ខែទើបអាចមានពេញលេញវិញ ពីព្រោះហាត់បាល់ទះឆ្នេរខ្សាច់ហត់ខ្លាំងណាស់ ហើយត្រូវហាត់ហាលថ្ងៃទៀត។ រំលឹកថា មកដល់ពេលនេះការប្រមូលផ្ដុំរបស់ជម្រើសជាតិឆ្នេរខ្សាច់ត្រៀមស៊ីហ្គេមនៅវៀតណាមនៅ មិនទាន់បានអនុវត្តន៍ឡើយ ដោយសារកូវីដនៅតែបន្តរីករាលដាលរាល់ថ្ងៃ។ ពោលគឺជម្រើសជាតិឆ្នេរខ្សាច់កំពុងហ្វឹកហាត់តាមប្រព័ន្ធអិនធឺណេត៕

អត្ថបទ៖ ស្រី សុវណ្ណដារ៉ា